اسلام آباد ۔ 17اکتوبر (اے پی پی) چیئرمین پاکستان علماء کونسل و صدر وفاق المساجد و المدارس پاکستان حافظ محمد طاہر محمود اشرفی پارینے کہ سعودی عرب و ایران نا نیام اٹ چک و تاڑ ءِ کم کننگ کن وزیراعظم عمران خان و آرمی چیف جنرل قمر جاوید باجوہ نا کڑد ستاکڑزک، داہیت روز روشنائی آنبار عیاں ءِ کہ جنگ آن بین آن بیدس ہچ کس ءِ ہچ اس دوئی مفک ہنداخاطران داکسرنا کنڈا بایدے ہِننگپ ۔ پنچ شنبے نادے آ جاری کروک بیان اٹی علامہ طاہر اشرفی پارے کہ مسلمان اسہ جون آنبار ءُ، اسہ بشخ انا تکلیف مچ آ جون نا تکلیف مریک ۔ کشمیر، فلسطین ، شام ، عراق ، ارض حرمین شریفین و یمن اٹی سجفوک ءُ ڈٹ اسے نا رداٹ حالیت آتے خراب کننگانے ہراڑانن مسلمانک بایدے چپ سلپن ۔ اوپارے کہ پاکستان ناخیر خواہی کڑد آن پد المی وڑاٹ معاملہ مثبت سمت آن مون آ کاہک ۔
