اسلام آباد ۔ 17اکتوبر (اے پی پی) چین پاکستان اقتصادی راہداری (سی پیک ) ڈٹ انا رداٹ گوادر اٹی پاک چائنہ فرینڈ شپ ہسپتال نا جوڑ کننگ آ 100 ملین ڈالر خڑچ کننگک ۔ سی پیک اتھارٹی نا کمامدارآرتارداٹ بلوچستان و گوادر نا الس ءِ جان جوڑی نا بابت پوسکن آ آسراتی فراوان کننگ کن 100 ملین ڈالر نا خڑچ آن پاک چائنہ فرینڈ شپ ہسپتال اس جوڑ کننگ انگ ءِ ۔ ہسپتال 68ایکڑ نا رقبہ غا محیط مریک و داٹی شش بلاکس مریرہ ۔ ہسپتال نا ہنکینی تعمیرات 20 درسد نا خڑک پورو مسنو ۔ گوادر اٹی انٹرنیشنل ایئر پورٹ و300 میگاواٹ کول فائر ڈپاورپلانٹ اس ہم جوڑ کننگ انگ ءِ ۔ داکان بیدس دیر انا نمکینی ءِ چٹفنگ نا واٹر پلانٹ ہم خلنگ انگ ءِ ہرا ہردے 5لکھ گیلن دیر انسانی گرج اکن کاریم اٹ اتنگ نا قابل جوڑ کیک ۔ اوگوادر ءِ شونداری و شونہالی نا سفر آ روان کننگ کن ارب آ ڈالر نا چندی پروجیکٹ آتا بناو ہندی آبادی ءِ روزگار نا وارخواہی فراوان کننگ نا کمک اٹ اودے جہانی اہمیت نا حامل شار اس جوڑ کننگ نا عزم انا درشانی ءِ کریر ۔
