لاہور ۔ 17اکتوبر (اے پی پی) چیئرپرسن سٹینڈنگ کمیٹی فار چیف منسٹر انسپیکشن ٹیم و باسک پنجاب اسمبلی مومنہ وحید پارینے کہ دھرنہ غاتا سیاست کروک آک بے سہب مسنو، الس حکومت نا برخلاف برانز کننگ نا اپوزیشن نا فیصلہ ءِ مسترد کرینے، ن لیگ نا لٹ وپل کروک آ ک الس ءِ برانز آ ہشکا تننگ نا جاگہ غا تینا سرکڑدہ غاتے ٹی صلح کرفر، دا ہڑتوم آک زی آن مولانا فضل الرحمان تون و تہہ آن برخلاف ءُ ۔ ہڑتوم آ جماعت آتا اِرا اِرا زبان ءُ ۔ اوپارے کہ مدرسہ نا کودک چناتے سیاسی بھٹی نا ایندھن اس جوڑ کروک آک چار کہ اوفتے تون نئے تو الس ءِ و نئے داسہ پٹواری و تھانے دار نا ساتھ ، اینو پارلیمان نا بالادستی نا اصول ہرانگ ءِ ، اوفتے کن بیرہ ہمو پارلیمان بالادست ءِ ہراٹی داتینٹ ساڑی مریر ۔
