کوءٹہ ۔ 17 اکتوبر (اے پی پی) گورنر بلوچستان امان اللہ خان یاسین زئی پارینے کہ یونیورسٹی آف بلوچستان اٹی مروک آ واقعہ غاتا پورو جاست وپاست ءِ کننگ انگ ءِ، اگہ کس اس پیش بروک آ واقعہ غاتے ٹی زموار خننگا تو بے پرخ اونا برخلاف کارروائی کننگک ۔ داخیال آتا درشانی ءِ او پنچ شنبے نادے آ گورنر ہاءوس نا ترجمان نا جاری کروک بیان اٹی کرے ۔ گورنر بلوچستان یاسین زئی پارے کہ یونیورسٹی آف بلوچستان اٹی وقوع پذیر مروک آ واقعہ غاتا بابت حکومتی ادارہ غاک ہم جاست وپاست کننگ ءُ و عدالت نا ہم زیرغور ءِ ۔ اوطالب علم و غٹ شاری تے پارے کہ داسہ بھروسہ و است جم مریر ننے غٹ ہیت آتیا نظر ءِ،و کانود و انصاف نا خواست آتارداٹ غٹ المی کارروائی کننگ انگ ءِ ۔ گورنر غٹ طالب علم تنظیم و اساتذہ ایسوسی ایشن آ زور شاغا کہ ویل بنجائی ادارہ و عدالت نا زیر غور ءِ، جاست وپاست نا پوروی و فیصلہ بننگ اسکان ہروڑنا بیان بازی آن پاناد کیر و باوری کرفے کہ فیصلہ بننگ آ غٹ زموارآتا برخلاف سخت کارروائی کننگک ۔
