APP63-16 ISLAMABAD: October 16 - Prime Minister Imran Khan chairing a meeting on law & order. APP

اسلام آباد ۔ 16 اکتوبر (اے پی پی) مزن وزیر عمران خان ءِ سروکی ءَ امن ءُُ ایمنی ءِ ھوالہ چہ چار شمبے ءَ چار ءُُ تپاسی ءِ دیوان اسلام آباد ءِ تہ برجم دارگ بوتگ ۔ دیوان ءِ تہ تہی معاملہانی بنجاہی وزیر بریگیڈیر (ر) اعجاز احمد شاہ، بنجاہی وزیر تعلیم ءُُ ہیلکاری شفقت محمود، سروزیر پنجاب سردار عثمان بزدار، سروزیر اعلی خیبر پختونخوا محمود خان،ھاسیں کمکار برائے ھالرسانی ءُُ شنگکاری ڈاکٹر فردوس عاشق اعوان ءُُ ٹوھیں افسراں بھرزوری کتگ ۔ دیوان ءِ تہ ملکی تہی ءُُ ڈنی سیکیورٹی ءِ جاورھال ءُُ مہلوک ءِ جان ءُُ مال ءِ رکھگ ءِ ھوالہ چہ معاملہانی سرا چار ءُُ بچار کنگ بوتگ ۔ دیوان ءِ تہ آوکیں روچاں پاکستان ءِ تروتاب کنوکیں درملکی راھشونانی ھاترا کتگیں سیکیورٹی بند ءُُ بوج ءِ سرا ھم مزن وزیر ءَ را سرپدی دیءگ بوتگ ۔