سرسہب ورناپروگرام نا بناءِ کننگ نا چرجوئی ٹی این ٹی سی نا کنڈآن تروک آ ڈیجیٹل پلیٹ فارم نا جاچ ءِ ہلک
اسلام آباد ۔ 16اکتوبر (اے پی پی) وزیراعظم نا خصوصی کمکار امور نوجوانان عثمان ڈار چارشنبے نادے آ این ٹی سی ہیڈ کوارٹر نا دورہ ءِ کرے و وزیراعظم عمران خان نا سرسہب ورنا پروگرام نا بناءِ کننگ نا چرجوئی ٹی این ٹی سی نا کنڈآن تروک آ ڈیجیٹل پلیٹ فارم نا جاچ ءِ ہلک ۔ منیجنگ ڈائریکٹر این ٹی سی بریگیڈیئر ریٹائرڈ وقار رشید خان این ٹی سی نا کنڈآن تروک آ آئی ٹی سی سروسز نا بابت حوال تس ۔ اوسرسہب ورنا پورٹل نا جوان وڑاٹ آپریشن کن سائبر سیکورٹی بست و بند آتا بابت ہم معلومدار کرے ۔ عثمان ڈار این ٹی سی نا اہلیت و کارکڑدگی آ است جمی نا درشانی ءِ کرے و بنجائی حکومت و ایلو سرکاری ادارہ غاتے رکھوک و قابل پت ڈیٹا ففراوان کننگ کن این ٹی سی نا کنڈآن چست کروک آ گام گیج آتا ستاءِ کرے ۔
