وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان نا ٹویٹ

پاکستان ایلم اسلامی ملک آتا نیام اٹ جوزہ اخوت و ہم گرنچی ءِ مون آ دننگ نا خواہندار ءِ ، امت مسلمہ نا سیوت ڈیہہ ٹی امن ، معاشی و سوگوی نا ضامن ءِ

اسلام آباد ۔ 16اکتوبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ ایران آن پد سعودی سرکڑدہ غاتا ڈیہہ ٹی بے چیٹی نا چٹفنگ و امن و سوگوی ءِ مون آ دننگ کن وزیراعظم پاکستان نا مخلصانہ کوشست آتا ستاءِ کننگ عمران خان ءِ بطور راہشون امت مسلمہ ممتاز کیک، پاکستان ایلم اسلامی ملک آتا نیام اٹ جوزہ اخوت و ہم گرنچی ءِ مون آ دننگ نا خواہندار ءِ ، امت مسلمہ نا تین پہ تینی سیوت و سخا ڈیہہ ٹی امن و معاشی و سوگوی نا ضامن ءِ ۔ چارشنبے نادے آ تینا ٹویٹ اٹی ڈاکٹر فردوس عاشق اعوان پارے کہ وزیراعظم عمران خان سعودی سرکڑدہ غاتے مقبوضہ جموں و کشمیر اٹی انسانی حق انا سنگین حالیت، مواصلاتی پابندی و پدریسہ لاک ڈاءون آن معلومدار کرساپارے کہ کرفیو ءِ 73دے مسنے، 80 لکھ آن زیات کشمیری اُراتے ٹی گھٹ ءُ ، وادی ءِ جنت جیل اٹ بدل مسنے ۔ ڈاکٹر فردوس عاشق اعوان پارے کہ کشمیر نا ویل آ سعودی عرب تینا مخ تفی نا عزم انا درشانی و تنازعہ نا پرامن وڑاٹ ایسری آ زور شاغا ۔ وزیراعظم عمران خان نا دورہ غان پاکستان و سعودی عرب نا تین پہ تینی پت اٹی ودکی مریک و چندی بشخ آتے ٹی خڑکی کمکاری آ مبنی تعلقداریک پین سوگو مریرہ ۔ اوپارے کہ وزیراعظم دا عزم انا درشانیءِ کرینے کہ پاکستان مدام سعودی عرب تون ہم کوپہ سلک ۔