صوبائی سلاہکار گودی بشریٰ رند انا ڈبل روڈ آ پولیس موبائل آ دھماکہ نا ترند انگا لوز آتے ٹی مذمت

کوءٹہ ۔ 15اکتوبر (اے پی پی) صوبائی سلاہکار و چیئرپرسن کیوڈی اے گودی بشریٰ رند ڈبل روڈ آ پولیس موبائل آ دھماکہ نا ترند انگا لوز آتے ٹی مذمت ءِ کرسا پولیس کارندہ نا شہیدی آ است ہسونی نا درشانی ءِ کرینے ۔ تینا اسہ کلہو اسے ٹی اوپارے کہ زہمی خاہوت نا غم اٹی بریبر نا شریک اُن، اللہ تعالیٰ شہید پولیس کارندہ ءِ جنت الفردوس اٹی جاگہ ایتے و ٹھپی تے زوت جان جوڑ کے ۔ گودی بشریٰ رند انا مستی پاننگ ئس کہ دہشت گردی کروک آ مسلمان مننگ کپسہ ۔ داوڑنا واردات آتے کروک آک پاکستان و اسلام نا دشمن ءُ ، مچ آ قوم اوفتا برخلاف یکجاءِ ۔