وزیراعظم عمران خان اسہ دے ئی دورہ غا سعودی عرب آ رادہ مس

اسلام آباد ۔ 15اکتوبر (اے پی پی) وزیراعظم عمران خان سے شنبے نادے آ اسہ دے ئی دورہ غا سعودی عرب آ رادہ مس ۔ وزیراعظم نا دورہ ڈیہہ ٹی امن و سلامتی نا گام گیج آتا بشخ اسے ۔ وزیراعظم سعودی سرکڑدہ غاتون تینا ساڑی آ دورہ ایران و ایرانی سرکڑدہ غاتون سلابت ءِ مون آ تخسا ہیت وگپ کیک وخت اس کہ داٹی ہڑتوم آ کنڈآتا تعلقداری و ایلو علاقائی معاملہ غاتیا ہم گپ و تران کننگک ۔ اینخو سال وزیراعظم عمران خان نا سعودی عرب نا دا مسٹ میکو دورہ ءِ ۔ داکان مست دفترخارجہ غان جاری اسہ بیان اسے نا رداٹ وزیراعظم عمران خان سعودی عرب نا دورہ ٹی سعودی سرکڑدہ غاتون تینا ساڑی آ دورہ ایران و ایرانی سرکڑدہ غاتون سلابت آتے مون آ تخسا ہیت وگپ کیک ۔ داکان بیدس ہڑتوم آ ملک آتا نیام اٹ تعلقداری و ڈیہہ نا تازہ انگا حالیت آتیا ہم شرہ کننگک ۔ پاکستان و سعودی عرب نا نیام اٹ تین پہ تینی پت ، ہم گرنچی و خڑکی کمکاری نا بنداو آ ایلمی نا تعلقداریک ءُ ۔ ہڑتوم آ ملک آک روایتی وڑاٹ اسہ ایلو نا موقف نا مخ تف ءُ ۔ وزیراعظم عمران خان نا اینخو نا سال اٹی سعودی عرب نا دا مسٹ میکو دورہ ءِ ۔ داکان مست وزیراعظم عمران خان مئی و ستمبر اٹی سعودی عرب نا دورہ ءِ کریسس وخت اس کہ سعودی ولی عہد فروری ٹی پاکستان نا دورہ ءِ کریسس ۔