آرمی چیف جنرل قمر جاوید باجوہ تون اومان نا سلہہ بند فوج انا چیف آف اسٹاف نا اوڑدہی

تین پہ تینی است خواہی نا معاملہ و دفاعی کمکاری آ گپ و تران

راولپنڈی ۔ 15اکتوبر (اے پی پی) پاک فوج انا سروک چیف جنرل قمر جاوید باجوہ تون اومان نا سلہہ بند فوج انا چیف آف اسٹاف اوڑدہی کرے ہراٹی تین پہ تینی است خواہی نا معاملہ و دفاعی کمکاری آ گپ و تران کننگا ۔ پاک فوج انا شعبہ تعلقات عامہ (آئی ایس پی آر ) نا رداٹ اومان نا چیف آف اسٹاف لیفٹیننٹ جنرل احمد ءِ جی ایچ کیو آ بننگ آ گارڈ آف آنر پیش کننگا، شرفدار مہمان پاک فوج انا سروک جنرل قمر جاوید باجوہ تون اوڑدہی کرے ہراٹی تین پہ تینی است خواہی نا معاملہ و دفاعی کمکاری آ گپ و تران کننگا ۔ لیفٹیننٹ جنرل احمد پاک فوج انا دہشت گردینا برخلاف سرسہبی تا ستاءِ کرے و پاکستانی فوج انا کسبی لاءخی تیان فائدہ ہرفنگ نا بابت ہم گپ و تران کرے ۔ لیفٹیننٹ جنرل احمد یات گار شہید آتیا ہم حاضری تس و پھل آتا چادر اس شاغا، فاتحہ خوانی آن پد شہید آتے خراج عقیدت ہم پیش کرے ۔