چیئرمین جوائنٹ چیفس آف سٹاف کمیٹی جنرل زبیر محمود حیات ءِ سیمینار ءَ گوں گشتانک

اسلام آباد ۔ 15 اکتوبر (اے پی پی) چیئرمین جوائنٹ چیفس آف سٹاف کمیٹی جنرل زبیر محمود حیات ءَ گوشت کہ بھارت ءِ گیش ودوکیں جنگی جنون دگنیا ءِ واستہ پگر ءِ بوھگ لوٹ ایت، بھارت دگنیا ءَ وتاس آنی تاچ ءِ تہ ءَ گیشی کنگ ءَ انت، زرّباری ایشیا ءَ توا میں سیکورٹی جیڈھ کشمیر ءَ گوں بندوک انت، سرج میں دگنیا ءَ گیش کشاں چیل ءِ بوھگ پگری گپ ات، پاکستان یک ایمن دوستیں ملک ات ءُُ پڑ ءَ ایمنی لوٹ ایت، آ سئے شمبے ءِ روچ ءَ ادا سنٹر فار ایرو اسپیس اینڈ سیکورٹی اسٹڈیز (سی اے ایس ایس) ءِ چیر دستی ءَ برجم داشتگیں سیمینار ءَ گوں گشتانک دیان ءَ کت ۔ پاک فضائیہ ءِ پیسریگیں سروک ائیر چیف مارشل (ر) کلیم سعادت ھم اے موہ ءِ سر ءَ: ساڑی ات ۔ چیئرمین جوائنٹ چیف آف سٹاف کمیٹی جنرل زبیر محمود حیات ءَ گوشت کہ دگنیا ءِ معاشی دیمروئی ءِ سبب ءَ پاکستان ءُُ دگنیا ءِ نیام ءَ یکوئی گیش ودگ ءَ انت ۔ آئی ءَ گوشت کہ زرّباری ایشا ءِ سیکورٹی یک چینلجے ئے رنگ ءَ دیم ءَ سہرا بوھگ ءَ انت، ہندو اتاہٹلر ءُُ نازی ازم ءِ دومی لکا انت، بھارت ءَ کودکیں کشمیری آنی سر ءَ ظلم ءُُ زوراکی کتگ، ہزارانی کشمیری آناں شہید کتگ، دھ ہزار زالبول آناں ریپ کتگ، پیلٹ گنز آنی کارمردی کنگ بوھگ ءَ انت، بھارت ءَ کشمیر ءَ را لگت مال کنگ ءِ بازار گرم کتگ، لکھانی کشمیر شہید بوتگ اَنت، بھارت ءِ نیمگ ءَ چہ آرٹیکل تھرٹی فائیو گیر کانودی ات، بھارت ءِ نیمگ ءَ چہ کشمیر ءِ جیوگرافی بستار ءَ را مٹ کنگ اقوام ءِ متحدہ ءِ منوگری ءِ ھلاپ کنگ انت، کشمیر وتی وت واجئی ءَ را لوٹ کنگ ءَ انت، بھارت ءَ لکھانی اُرد کشمیر ءَ کتگ ، بھارت کشمیر ءَ اُرد ءِ تہ ءَ گیشی کنگ ءَ انت، بھارت کشمیر ءَ بنی آدمی ھک آناں لگت مال کنگ ءَ انت ۔ آئی ءَ گوشت کہ بھارت ءَ کشمیر ءِ الس آنی آوانی وت واجئی ھک دیگ لوٹ ایت، سرج میں دگنیا ءَ اے وھد ءَ کشمیر ءِ سر ءَ گپ ءُُ تران بوھگ ءَ انت، دگنیا کشمیر ءِ جیڈھ ءِ سر ءَ تران کنگ ءَ انت، آئی ءَ گوشت کہ سی پیک گیم چینجر ات، گوادر ءَ چہ سینٹرل ایشیئن سٹیٹ ءَ گوں ھوار کنگ بوت کنت، گوادر دیمروئی ءِ کشک ات، پاکستان یک معاشی بنجاھے رنگ ءَ دیم ءَ سہرا بوھگ ءَ انت، پاکستان ءِ ھلاپ ءَ پندل ھمے واستہ بوھگ ءَ انت چیا کہ پاکستان دیمروئی دوستیں ملک ءِ جوڑ بوھگ ءَ انت، ما وتی اخلاقیات ءُُ لیکہ آنی سر ءَ برجا آں ، ما وتی سروک ءُُ رھشون قائداعظم محمد علی جناح ءِ لیکہ آنی سر ءَ آں ، ما وتی مول ءُُ مراد آں در جناں ۔