مزن وزیر عمران خان سئے شمبے ءِ روچءَ سعودی عربءِ ترء ُتابءَ کنت

اسلام آباد ۔ 15اکتوبر(اے پی پی ) مزن وزیر عمران خان خطہ امنء ُ ایمنی ء ُ سلامتی ءَ گیش کنگءِ ہوالگءَ سئے شمبےءِ روچءَ سعودی عربءِ ترء ُتابءَ کنت ۔ دری کارانی کارگسءِ جاری بیانءِ ردءَ مزن وزیر عمران خان سعودی عرب ءِ ترء ُ تاب ء َ سعودی حکومت ءَ گوں وتی انوگیں ایران ءِ ترء ُ تاب ء ُ ایرانی حکومتءَ گوں کتگیں شورء ُتران ءِ پدءَ گپء ُ تران کنت ۔ ایشی ءَ ابید دوئیں ملک آنی نیامءَ سیادی ء ُ خطہ ءِ انوگیں جاورھالانی سرءَ ھیالء ُلیکہ ءِ درشانی کنگ بیت ۔ پاکستان ء ُ سعودی عربءِ نیامءَ اوست ، وت مہ وتی نزیکیں کمک ءِ بنیاتءَ براتیں سیادی اَست ۔ دوئیں ملک یکے دومیءِ لیکہ آنی منوک اَنت ۔ مزن وزیر عمران خان ءِ گوازوکیں سال ءَ اے سعودی عربءِ سئمی ترء ُتاب اِنت ۔ ایشی ءَ چہ پیسر مزن وزیر عمران خان ءَ مئی ء ُ ستمبر ءَ سعودی عربءِ ترء ُتاب کتگ بوتگ وہدے کہ سعودی ولی عہد ءَ فروری ءَ پاکستان ءِ ترء ُ تاب کتگ بوتگ ۔