الس 2018ء نا گچین کاری تیٹی حزب اختلاف نا جماعت آتے مسترد کریسس، قومی اسمبلی نا باسک ڈاکٹر رمیش کمارنا نجی ٹی وی چینل تون گپ و تران

اسلام آباد ۔ 15اکتوبر (اے پی پی) پاکستان تحریک انصاف نا راہشون قومی اسمبلی نا باسک ڈاکٹر رمیش کمار پارینے کہ حزب اختلاف حکومت نا سرسہبی ءِ سگنگ کپک، اوفتے اوفتا سیاسی آخبت تہار نظر بننگ ءِ، انتئے کہ داکان مست الس 2018ء نا گچین کاری تیٹی حزب اختلاف نا جماعت آتے مسترد کریسس ۔ سے شنبے نادے آ نجی ٹی وی چینل تون گپ و تران کرسا اوپارے کہ مچ آ دنیا ٹی وزیراعظم عمران خان نا پنی مننگ اٹ ودکی مننگ ءِ ہرا اپوزیشن ءِ کیدنگ مفننگ ءِ ۔ اوپارے کہ وزیراعظم عمران خان لس گچین کاری 2018ء نا گچین کاری مہم اٹی ہراوعدہ غاتے کریسس اوفتے مخلصانہ وڑاٹ پورو کننگ نا کوشست کننگ ءِ ۔ اوپارے کہ اپوزیشن الس و میڈیا نا چکار ءِ ہلنگ کن لانگ مارچ و دھرنہ غاتا دروشم اٹ جتا ءُ چم اس کاریم اٹ اتنگ ءِ ، اوپارے کہ داسہ الس باشعور مسنے و او اپوزیشن نا دا چم بازی تیٹی بفسہ، اواپوزیشن آن خواست کرے کہ او داسیاسی سلہہ غاتا کاریم اٹ اتنگ و احتساب نا عمل ءِ توننگ نا کوشست آتے ہلر و قوم انا فائدہ ٹی حکومت تون تفر ۔ اوپارے کہ وزیراعظم عمران خان غٹ انا برخلاف بے پرخ احتساب نا عمل ءِ برجاتخنگ کن پرعزم ءِ ۔