وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان نا ٹویٹ

اسلام آباد ۔ 15اکتوبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ برٹش ایئر ویز نا جہاز آتا بحالی آن پد شاہی جوڑہ نا بننگ پوسکن آ روشنا و پرعزم پاکستان نا آئینہ دار ءِ ، دا دورہ پاک برطانیہ تعلقداری نا سوگوی تون اوار مچ آ دنیا ٹی ملک انا حقی و گچین دروشم ءِ تالان کیک پاکستان سیل و سواتی تیکن حسین و است چکوک مزل اس جوڑ مرسا مون آ بننگ ءِ ۔ سے شنبے نادے آ ڈاکٹر فردوس عاشق اعوان تینا ٹویٹ اٹی پارے کہ پاکستان عظیم دودوربیدہ میرات نا امین و قدیم تہذیب نا مسکن ءِ، داجاگہ نا تاریخی ہند و قطبی علاقہ غاتا مسحور کن زیبائی گل زمین پاکستان ءِ منفرد جوڑ کیک، اوپارے کہ پاکستان و اونا الس شاہی مہمان تا خیرمقدم ءِ کیرہ، اومیت ءِ کہ شہزادہ ولیم و شہزادی کیٹ مڈلٹن زیبائی انگا یات آتے داکان تین تون دیرہ کارہ ۔