وزیر مملکت انسداد منشیات شہریار آفریدی نا اینٹی نارکوٹکس فورس ءِ 25کلوگرام منشیات نا بھلو کیپ اس ہلنگ آ مبارکباد

اسلام آباد ۔ 14اکتوبر (اے پی پی) وزیر مملکت انسداد و منشیات و سیفران شہریار آفریدی اینٹی نارکوٹکس فورس(اے این ایف) نا ٹیم ءِ کم و ود 25کلوگرام منشیات نا بھلو کیپ اس ہلنگ آ مبارکبادی تسنے، دا منشیات آتے پیشن نا ملک آ سمگل کننگاکہ ہرافتے کسر اٹ ہلنگانے ۔ دوشنبے نادے آ تینا اسہ ٹویٹ اسے ٹی او پارے کہ منشیات اسمگل کننگ نا کوشست ءِ بے سہب کننگ آ اے این ایف نا ٹیم مبارکباد نا حقدار ءِ ہرافک داکوشست ءِ بے سہب کریر و 25کلوگرام منشیات دوئی کرسا ملک انا وقار و ساکھ ءِ رکھ کریر ۔ وزیر مملکت پارے کہ دُن انگا ڈوہدار عنصر پیشن نا ملک قومی ساکھ ءِ مجروح کننگ نا سوب مریرہ ہرافتے اسُل سگپنہ ۔