مولانا فضل الرحمان اینو اسکان پیدوار کتنے کہ دابرانز نا ایجنڈا انت ءِ، سلاہکار وزیراعلیٰ خیبر پختونخوا

اسلام آباد ۔ 14اکتوبر (اے پی پی) وزیراعلیٰ خیبر پختونخوا نا سلاہکار اجمل وزیر پارینے کہ نن ہچ کس نا پرامن برانز آ پابندی خلپنہ ۔ نجی ٹی وی تون گپ وتران کرسا اوپارے کہ پرامن برانز کننگ ہراسٹ نا آئینی حق ءِ ولے اگہ کس اس کانود نا خلاف ورزی ءِ کیک و ڈنڈاہرفک تو ولدا اوناپبی ورندی ءِ تننگک ۔ اسہ سوج اسے نا ورندی ٹی اجمل وزیر پارے کہ مولانا اینو اسکان پیدوار کتنے کہ اونا برانز نا ایجنڈا انت ءِ ۔ وزیراعظم عمران خان پارینے کہ اگہ جماعت اسے حلقہ سے آ اعتراض ارے تو ہمو حلقہ ءِ نن ملنگ کن تیار اُن ۔ وزیراعلیٰ خیبر پختونخوا نا سلاہکار پارے کہ نواز شریف نا جیل آن جے یو آئی (ف) ءِ ہرا چھٹی بسنے نن اودے ہُننگ اُن کہ اونا متن انت ءِ ۔ مولانا فضل الرحمان نا برانز نوازشریف ءِ سیف سائیڈترفنگ کن ءِ تو اودے ہچ ءُ حالیت اسے ٹی امنا کننگپک ۔ اوپارے کہ مستین اٹی جمعیت علمائے اسلام (ف) ہر حکومت نا بشخ مسنے و او ہر دور اٹی وزارت ہلکونے ۔