دری کارانی وزیر مخدوم شاہ محمود قریشی ءِ حال درءَ گوں گپ ء ُ تران

ملتان ۔ 11اکتوبر(اے پی پی) دری کارانی وزیر مخدوم شاہ محمود قریشی ءَ گشتگ کہ بلال کئی پنتءُ شونءِ پدءَ دھرنہ ءِ گپءَ کنگ ءَ اِنت ۔ آئیءَ گشتگ بوتگ کہ ما دھرنہ ءِ سیاستءِ منوک نیاں ء ُ ما دھرنہء َ راپہ جمہوریت ءِ ھاترءَ نقصان سرپد بنت ۔ شما وا گشتگ بوتگ کہ دھرنہ جمہوریت ءِ ھاترءَ جوانیں گامگیج ئے نہ اِت ۔ مرچی تو وت جمہوریتءَ را نقصان دیءگءَ اِت ۔ آ تکانسری کہ 2014ءَ بوتگ اَنت آ مرچی پرچا نیاں ۔ جمعہ ءِ روچءَ شاہ رکن عالم کالونی ءَ میڈیا ءَ گوں گپء ُ تران کنانءَ آئیءَ گشتگ کہ دھرنہ ءِ سیاستءِ پشتءَ دگہ چیزے چیر اِنت ۔ 27اکتوبر ہما روچ اِنت کہ بھارتءَ کشمیرءِ سرءَ قبضہ کتگ ۔ اے روچء َ دھرنہ ءِ جار جنگ ءِ سرءَ اپسو ز اِنت ۔ آئیءَ گشتگ کہ دھرنہءِ جیڑہءِ سرءَ انو اپوزیشن ہم تپاک کنگءَ نہ اِنت ۔ مسلم لیگءِ صدر شہباز شریف اِنت ۔ شہباز شریف وت گشگءَ اِنت کہ دھرنہ دیءگ جوانیں گامگیج ئے نہ اِت ء ُ اے بائد اِنت کہ مہ بیت ۔ دھرنہ ءِ ہوالگءَ کیپٹن صفدر ءَ کہ بیان داتگ آئیءَ را اے بیان دوست نہ بوتگ ۔ مسلم لیگ (ن) دھرنہ ءِ سرءَ تپاک نہ کنت ۔ پیپلز پارٹی ہم دھرنہ ءِ ہوالگءَ دو گپ کنت ۔ بلاول ءَ وت گشتگ کہ آ دھرنہ ءِ سیاستءَ ایر جنت ۔ یک جستے ءِ پسوءَ شاہ محمود قریشی ءَ گشتگ کہ 27اکتوبرءَ ما سرج میں ملک ءَ ہوار میاں اوستمانی تکءَ گوں کشمیری آں یکوئی ءِ درشانی ءَ کناں ۔ حکومتءَ فیصلہ کتگ کہ اے روچءَ سرج میں پاکستانءَ ہمک شہر، ہمک کوچگ ءَ گوں کشمیری آں یکوئیءِ درشانی کنگ بیت ۔ ما سرج میں دنیاءَ بھارتءِ بیمناکیں دیمءَ سہرا کناں ۔ آئیءَ گشتگ کہ مرچی کشمیرءَ لاک ڈاءون ءَ را 68روچ بوتگ ۔ بھارتءَ کشمیری آنی زندمان تنگ کتگ اَنت ۔ گوں بھارتءَ سولء ُ تران بے پائدگ اِنت ۔ اگاں دگہ یک ملکے پاکستانء ُ بھارت ءِ کستء ُ کینگ ء ُ جنگ ء ُ جدلءَ کم کنگءِ ھاترءَ وتی کردءَ پیلو کنگ لوٹ ایت آ وتی کردءَ پیلو بہ کنت ۔