اسلام آباد ۔ 11اکتوبر(اے پی پی) مزن وزیرءِ حاسیں کمک کار ڈاکٹرفردوس عاشق اعوا نءَ گشتگ کہ چینءَ کشمیرءَ را راج دپترءِ یک مزنیں جیڑہ ئے لیک اِتگء ُ بھارتی لیکہءَ را نہ من اِتگ، مقبوضہ جموں کشمیر ءَ کرفیوءَ را دو ماہءَ چہ گیش اِنت، کشمیر یک بندی جاہے جوڑ بوتگ ء ُ مردمانی زندمان آماچ اَنت، بھارتی فوج انسانیتء ِ بے شرپی ءَ کنگء َ اِنت ۔ ڈاکٹر فردوس عاشق اعوان ءَ جمعہ ءِ روچءَ وتی ٹویٹءَ گشتگ کہ مزن وزیر عمران خان مقبوضہ کشمیر ءِ بزگیں مردمانی گوما یکوئی ءِ درشانی ءَ کنگءَ اِنت ۔ آئیءَ گشتگ کہ بزگیں کشمیری آنی ہمراہ داری کنگءَ ما چینءِ حکومتءُ اُلسءِ شگرء ُمنتءَ گراں ۔
