پاکستان، ایران ، اوگانستان ءُُ اقوام متحدہ ءِ ادارگ برائے مہاجرین ءِ نماھندگ آنی کیوفور ءِ دیوان

اسلام آباد ۔ 11 اکتوبر (اے پی پی) پاکستان، ایران، افغانستان ءُُ اقوام متحدہ ءِ ادارگ برائے مہاجرین ءِ نماھندگ آنی کیوفور ءِ یک ارزشتی ایں دیوان ءَ اوگان لڈ ءُُ بار کنوک آنی وتی مرزی ءِ سر ءَ وطن ءَ واتر بوھگ ءِ فریم ورک ءِ سئے ٹکی پالیشی ءِ سر ءَ تپاک کت ایشی ءِ چیر دستی ءَ لڈ ءُُ بار کنوک آنی وطن ءَ واتری، ایشانی چاگرد ءَ گوں ھور کپگ ءُُ میزبانیں ملک آنی واستہ سپورٹ پروگرام ءِ سر ءَ تپاک کت ۔ اے تپاک جنیوا ءَ بوھوکیں کیوفور دیوان ءَ منوگر کنگ بوت ایشی ءِ تہ ءَ وزیر سیفران شہر یار خان آفریدی، اوگانستان ءِ وزیر مہاجرین سید حسین عالمی بلخی، ایران ءِ وزیر ءِ توکی کار عبدالرضا رحمانی فاضلی ءُُ یو این ایچ سی آر ءِ ریجنل ڈائریکٹر شریک ہونے ۔ کیو فور دیوان ءَ پکوئیں رنگ ءَ تپاک کت کہ دسمبر ءَ بوھوکیں گلوبل ریفیوجی فورم ءَ اوگان لڈ ءُُ بارک کنوک آنی کمک ءِ جوانیں کار آناں دگنیا ءِ دیم ءَ سہرا کنگ بنت ۔ دیوان ءَ منوگر کنگ بوت کہ اوگان لڈ ءُُ بار کنوک آنی میزبانی ءِ واستہ نوکیں شریکدار ھوار گیجگ بیت ۔ دیوان ءَ گوں گشتانک دیان ءَ شہر یار خان آفرید ءَ پاکستان اوگان لڈ ءُُ بار کنوک آنی واستہ ارب آنی ڈالر ھر چ کنگ ءَ انت ۔ آئی ءَ گوشت کہ مارا کمک نہ لوٹ ایت بلکینگ ءَ ما کمک آناں میاں اوستمانی تک ءَ تسلیم کنگ لوٹاں ۔ آئی ءَ اوگان لڈ ءُُ بار کنوک آ نی واستہ کتگیں کوشست آنی ڈیٹیل ءَ را بیان کنان ءَ گوشت کہ اوگان لڈ ءُُ بار کنوک آناں پاکستان ءَ ھما توا میں آسراتی پجاری کنگ بوھگ ءَ انت ھما کہ لس پاکستانی ءَ را رسگ ءَ انت ۔ شہر یار خان آفریدی ءَ گوشت کہ مزن وزیر عمران خان ءَ اوگان لڈ ءُُ بار کنوک آناں بنک اکاءونٹس پچ کنگ ءِ آسراتی داتگ ایشرا سرج میں دگنیا ءَ منگ بوھگ ءَ انت ۔ آئی ءَ گوشت کہ پاکستان ءَ را ساڑاھگ نہ لوٹ ایت بلے ما لوٹاں کہ دگنیا لڈ ءُُ بار کنوک آنی بار ءَ را کم کنگ ءَ وتی کرد ءَ پیلو بکنت ءُُ پاکستان ءِ بے مٹیں قربانی آناں بے من ایت ۔ آئی ءَ زور پر دات کہ دیمروئی کنوکیں دگنیا لڈ ءُُ بار کنوک آناں وتی مرزی ءِ سر ءَ وطن ءَ واتر کنگ ءِ واستہ وتی کرد ءَ پیلو بکنت ءُُ اے کار ءَ وتی بھر ءَ مان بکنت ۔ اوگان لڈ ءُُ بار کنوک آنی وزیر سید حسین عالمی بلخی ءَ گوشت کہ اوگانستان لڈ ءُُ بار کنوک آنی وطن واتری ءُُ ایشانی چاگرد ءَ گوں ھور ءُُ تور کنائینگ ءَ وتی زمہ واری ءَ پیلو بکنت ۔