کوءٹہ ۔ 11اکتوبر (اے پی پی) پاکستان ماحولیاتی بدلی آن زہمی ملک آتا فہرست اٹی ہشت می نمبر آ بس وخت اس کہ بلوچستان اٹی موسمیاتی بدلی آن کشت وکشار ءِ غٹ آن زیات نسخان رسینگانے صوبہ ٹی کم دیر انگا فصل آتا دسنگ و شعور و آگاہی آن ڈکھ سالی تون اوار ایلو مشکل آتیان بچنگ مریک ۔ داہیت ءِ اسلامک ریلیف نا سمعیہ رشید، سینئر صحافی ناصر جمال، شہزادہ عرفان ، ندیم سرور جمعہ نادے آ ہندی ہوٹل اٹی موسمیاتی بدلی نا بابت اڈ ہلوک آ ورکشاپ آن تران کرسا پاریر ۔ اوفک پاریر کہ پاکستان نا موسمیاتی بدلی ٹی کڑد ادا کروک آ ملک آتے ٹی 132می نمبر ءِ وخت اس کہ 2016ء ٹی پاکستان ماحولیاتی بدلی آن زہمی ملک آتا فہرست اٹی مسٹ میکو نمبر آ ئس اوکان پد پدریسہ پاکستان ہشت میکو نمبر آٹے ۔ اوفک پاریر کہ بلوچستان اٹی ہمیشہ آن شونداری ویل مسنے داڑے موسمی بدلی نا سوب آن غٹ آن زیات کشت وکشار زہمی ءِ بے وخت پِر و برف باری آن فصل آتے نسخان رسینگانے ۔ اوفک پاریر کہ ماحولیاتی بدلی و اونا اثر آتا بابت میڈیا بایدے کڑد اداکے اگہ وخت آ الس و حکومت گام گیج کتوس تو ویل آک پین ودنگ کیرہ ۔ داوخت آ سینئر صحافی سلیم شاہد، شہزادہ ذوالفقار ، کوءٹہ پریس کلب نا جنرل سیکرٹری ظفر بلوچ ، بی یوجے نا جنرل سیکرٹری رشید بلوچ تون اوار ایلو فک بلوچستان اٹی ماحولیاتی بدلی و اونا اثرآتا بابت گپ و تران کریر ۔
