وزیراعظم عمران خان اقوام متحدہ نا جنرل اسمبلی نا دیوان اٹی مقبوضہ کشمیر نا مقدمہ ءِ جوان وڑاٹ کرسا کشمیری تے پوسکن ءُ حوصلہ اس تسنے و ہمووخت مر اف ہراتم مقبوضہ کشمیر پاکستان نا بشخ جوڑ مریک، وزیراعلیٰ بلوچستان نا سلاہکار لائیو اسٹاک حاجی مٹھاخان کاکڑ نا ’’اے پی پی‘‘ تون گپ و تران
کوءٹہ ۔ 11اکتوبر (اے پی پی) وزیراعلیٰ بلوچستان نا سلاہکار لائیو اسٹاک حاجی مٹھاخان کاکڑ پارینے کہ مقبوضہ کشمیر اٹی 2تُو آن زیات کرفیو ٹی لکھ آ کشمیری تینا اُراتے ٹی گھٹ مننگ آن پد ہم کشمیری الس نا است پاکستان تون دھڑکک، انسانی حق انا تنظیمک و جہانی برادری نا ہندوستان نا ظلم و بربریت است ہسون عمل اسے، وزیراعظم عمران خان ہر فورم آ کشمیر نا کیس ءِ جوان وڑاٹ تالان کرسا کشمیر نا ویل ءِ اسہ وار ولدا مچ آ دنیا نا مون آ زندہ کرینے ۔ داخیال آتا درشانی ءِ او جمعہ نادے ’’اے پی پی‘‘ تون گپ و تران کرسا پارے ۔ حاجی مٹھاخان کاکڑ پارے کہ مقبوضہ کشمیر اٹی سم و لٹ انا سرکار چلینگپک انتئے کہ اِراتپو آن زیات کرفیو آن پد ہم کشمیری نرینہ و نیاڑی و چناک بھارت نا غلامی ءِ امنا کننگ کن تیار افس، پاکستان ومقبوضہ کشمیر اسہ جان اِرا است ءُ، مقبوضہ کشمیر آ بھارت نا غاصبانہ کوزہ نا برخلاف مچ آ ملک آنبار بلوچستان نا الس ہم مظلوم کشمیری تا بدل مفروک مخ تفی ءِ کرینو، ڈیرہ بگٹی آن ہلیس چمن اسکان بلوچستان نا غٹ بشخ آتیا ن تعلق تخوک آ شاریک کشمیری تا جہد آجوئی ٹی اوفتا ہم کوپہ سلوک ءُ، وزیراعظم عمران خان اقوام متحدہ نا جنرل اسمبلی نا دیوان اٹی مقبوضہ کشمیر نا مقدمہ ءِ جوان وڑاٹ کرسا کشمیری تے پوسکن ءُ حوصلہ اس تسنے و ہمووخت مر اف ہراتم مقبوضہ کشمیر پاکستان نا بشخ جوڑ مریک ۔
