بھارت مقبوضہ جموں و کشمیر ءِ دنیا نا غٹ آن بھلاجیل جوڑ کرینے، سینیٹر شبلی فراز

اسلام آباد ۔ 11اکتوبر (اے پی پی) سینیٹ اٹی قائد ایوان و پی ٹی آئی نا راہشون شبلی فراز پارینے کہ حکومت مقبوضہ کشمیر آن بے رحم کرفیو ءِ ہرفنگ کن غٹ سفارتی ذریعہ غاتے کاریم اٹ اتیک ۔ ریڈیو پاکستان تون گپ و تران کرسا اوپارے کہ بھارت مقبوضہ جموں و کشمیر ءِ دنیا نا غٹ آن بھلا جیل جوڑ کرینے ہراڑے تدوک آ 67دے آن کرفیو لگوک ءِ و غٹ مواصلاتی ذریعہ غاتے ہم بند کرینے ۔ سینیٹ اٹی قائد ایوان پارے کہ وزیراعظم عمران خان ہر جہانی فورم آ بھارت نا ظالم انگا دروشم ءِ بے نقاب کرینے ۔ اواولیکو وار کشمیر نا ویل ءِ داخہ جوان وڑاٹ تالان کرینے ۔ سینیٹر شبلی فراز پارے کہ مقبوضہ دامان اٹی کرفیو زیات دے اسکان چلینگپک و دانا چٹفنگ آن پد بھارت ءِ اونا بھرم آتے کنوئی تمک ۔ اوپارے کہ کشمیری الس کشمیر نا ویل انا اہم سٹیک ہولڈرءُ و او فک 5اگست آ کشمیر نا بابت غیر آئینی بھارتی گام گیج ءِ مسترد کریسر ۔