اسلام آباد ۔ 11اکتوبر (اے پی پی) وزیراعظم عمران خان داہیت آ حیرانی نا درشانی ءِ کرینے کہ جہانی میڈیا ہانگ کانگ نا مچی کروک آتیا تو جوان ءُ سرخی ایتک ولے کشمیر اٹی انسانی حق انا سنگین بحران آن تینا خن تے ہی اسہ کنڈ کیک ۔ جمعہ نادے تینا ٹویٹ اٹی وزیراعظم عمران خان پارے کہ کشمیر جہانی وڑاٹ امنا مروک متنازعہ ءُ علاقہ سے ، بھارت 9 لکھ فوجی تا کمک اٹ 80 لکھ کشمیری تے گھٹ کرسا کشمیر آ غیر کانودی کوزہ نا کوشست کرینے ۔ اوپارے کہ اِراتُو انا زیات وخت آن میڈیا نا پورو بلیک آءوٹ، مقبوضہ کشمیر نا غٹ سیاسی سرکڑدہ و چناتے تون اوار ہزار آ بے گناہ کشمیری تے بند کننگ آن کشمیر اٹی انسانی المیہ اس ودی مننگ ءِ و جہانی میڈیا داڑا چپ ءِ ۔ وزیراعظم پارے کہ سلامتی کونسل نا قرارداد آتا کمک اٹ کشمیری تتون حق خودارادیت تننگ نا وعدہ کننگاسس ولے تدوک آ مسہ دہائی ٹی جہانی وڑاٹ مسلمہ داحق خودارادیت کن جہد کروک آ اسہ لکھ کشمیری تا خون ءِ کننگانے ۔
