اسلام آباد ۔ 11 اکتوبر (اے پی پی) وزیراعظم یوتھ افیئرز پروگرام نا رداٹ سرسہب ورناپروگرام نا بنائی دود 17اکتوبر آ مریک ۔ پروگرام نا رداٹ اولیکو مرحلہ ٹی ورناتے اسہ لکھ آن پنچ لکھ اسکان آسان شڑت آتیا وام تننگک، پروگرام نا مسخت ورناتے برسرروزگار کرسا اوفتے اوفتا نت تیا سلفنگ و معاشی شونداری ٹی اوفتا اوار مننگ ءِ المی کننگ نا ءِ ۔ وزیر اعظم یوتھ افیئرز پروگرام نا ذراءع نا رداٹ سرسہب ورناپروگرام نا بنائی دود اٹی اہم شخصیت آک بشخ ہلیرہ ۔ ذراءع نا رداٹ شش فلیگ شپ پروگرام نا رداٹ غٹ آن مست یوتھ انٹرپرینیور شپ اسکیم مریک، اسکیم نا رداٹ ملک اٹی ایس ایم ای سیکٹر ءِ مون آ دننگ کن ممکنہ ورنا پوریاگر آتے سبسڈی والا واپاری وام تننگک ۔ داوام تا مالیت اسہ لکھ آن پنچ لکھ روپئی اسکان مریک ۔ داپروگرام نا رداٹ ورناتے ٹی 100 ارب روپئی بشخنگک ۔ ذراءع پارے کہ ارٹ میکو پروگرام ’’غٹ اکن ہنر مند پروگرام‘‘ مریک ، ہرانا رداٹ یک و نیم لکھ ورناتے تکنیکی و کسبی تربیت تننگک ۔ سرسہب ورناپروگرام نا رداٹ مسٹ میکو گام گیج اسٹارٹپ پاکستان پروگرام مریک و داپروگرام نا رداٹ ممکنہ ورناپوریاگر آتے ڈیجیٹل انکیوبیشن پلیٹ فارم اسکان رسینگ نا ذریعہ تینا واپاری ڈٹ آتے مون آ دننگ کن تربیت تننگک ۔ اوپارے کہ چارمیکو گرین یوتھ موومنٹ (جی وائی ایم) مریک ہرانا رداٹ پاکستانی ورناتے چاگڑدی و آب و ہوا نا تنکی تتون مون تننگ کن معاشی جدید ایسری اس اتنگ کن چنکو وام تننگک ۔ ذراءع پارے کہ پنچ میکو انٹرن شپ پروگرام مریک ہرانا رداٹ انڈر گریجویٹ و پوسٹ گریجویٹ طالب علم ہڑتوم آتے کن اسہ گچین انٹرن شپ پروگرام ءِ نجی بشخ اٹی فعال شرکت تون آسراتی فراوان کننگک ۔ ذراءع نا رداٹ شش میکو ’’ورنامرکز‘‘ مریک ہرا شیفکو کہول آ ورناتا بابت ویل آتا اسہ اسٹاپ ایسری اسے ۔
