مقبوضہ جموں کشمیر اٹی کرفیو ءِ اِراتُو آن زیات وخت مس، دامان جنت جیل اٹی بدل و کشمیری تا زندی کاروبار ژند ءِ، ڈاکٹر فردوس عاشق اعوان

اسلام آباد ۔ 11اکتوبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ چین کشمیر ءِ تاریخ نا متنازعہ مقدمہ اس گوندسا بھارتی موقف ءِ مسترد کرینے، مقبوضہ جموں و کشمیر اٹی کرفیو ءِ اِراتُو آن زیات وخت مس، دامان جنت جیل اٹی بدل و کشمیری تا زندی کاروبار ژند ءِ، بھارتی فوج انسانیت ءِ ذلیل کننگ ءِ، ڈاکٹر فردوس عاشق اعوان جمعہ نادے تینا ٹویٹ اٹی پارے کہ وزیراعظم عمران خان اینو مقبوضہ جموں کشمیر نا مظلوم آتون یکجہتی نا درشانی ءِ کرسا انسانی دوتا زمزیر اس جوڑ کیک ۔ اوپارے کہ چین کشمیرءِ تاریخ نا متنازعہ مقدمہ گوندسا بھارتی موقف ءِ مسترد کرینے، سلامتی کونسل نا آخبتی باسک نا دا اصولی موقف مقبوضہ جموں کشمیر نا الس کن پورو یکجہتی نا درشانی ءِ ۔ ڈاکٹر فردوس عاشق اعوان پارے کہ دا آئرن برادرز آتا عظیم سنگتی نا درشانی ءِ، مظلوم کشمیری تا پبی مخ تفی آ نن چین نا سرکڑدہ و الس نا منت واری ءِ ہرفنہ ۔