وزیراعظم عمران خان نا ٹویٹ

تدوک آ مسہ دہائی ٹی حق خودارادیت کن جہد کروک آ اسہ لکھ کشمیری شہید مسنو

اسلام آباد ۔ 11اکتوبر (اے پی پی) وزیراعظم عمران خان پارینے کہ جہانی میڈیا کشمیر اٹی انسانی حق انا سنگین بحران آن خن تے ڈھکنگ ءِ، کشمیر اٹی انسانی المیہ ودی مننگ ءِ، تدوک آ مسہ دہائی ٹی حق خودارادیت کن جہد کروک آ اسہ لکھ کشمیری شہید مسنو، داخیال آتا درشانی ءِ او جمعہ نادے تینا اسہ ٹویٹ اسے ٹی کرے ۔ وزیراعظم پارے کہ او حیران ءِ کہ جہانی میڈیا ہانگ کانگ اٹی مروک آ مچی آ تو جوان ءُ سرخی خلیک ولے کشمیر اٹی انسانی حق انا سنگین بحران آن خن تے ڈھکنگ ءِ ۔ اوپارے کہ کشمیر جہانی کہول آ امنا کروک متنازعہ علاقہ سے ، بھارت 9 لکھ فوجی تا کمک اٹ 80 لکھ کشمیری تے گھٹ کرسا کشمیر آ غیر کانودی کوزہ کننگ نا کوشست کرینے ۔ اوپارے کہ اِراتُوآن زیات وخت آن ذراءع ابلاغ پورو بند ءِ، چناو سیاسی سرکڑدہ غاتون اوار ہزار آ کشمیری تے قید خانہ ٹی بٹنگانے ۔ کشمیر اٹی انسانی المیہ ودی مننگ ءِ ۔ اوپارے کہ تدوک آ مسہ دہائی ٹی کشمیری الس تینا حق خودارادیت ہرانا سلامتی کونسل نا قراردادآتے ٹی اوفتے تون وعدہ کریسن نا دوئی کننگ کن جہد کننگ اُن و داوخت اسکان دا جہد اٹی اسہ لکھ کشمیری شہید مسنو ۔