رسالپور ۔10 اکتوبر (اے پی پی) چیئرمین جوائنٹ چیفس آف سٹاف کمیٹی جنرل زبیر محمود حیات ئَ گوشت کہ پاکستان ایمنی ئِ واھشت ایگ انت، مئے واھشت آناں ھمزور پھمگ مہ بنت، ھون ئِ گڈی ترمپ ئَ تاں ملک ئِ دیمپانی ئَ را دل یکیمی جوڑ کناں، بھارت ئَ راج آنی یک ئُُ دگر ئَ کسد ئُُ کینگ ئُُ نیک راھی کسد ئُُ کینگ آناں دیمروئی دیگ بوھگ ئَ انت، پاکستان یک زمہ واریں ایٹمی ملک ات، پاکستان ایٹمی وتاس آنی ھوالگ ئَ میاں اوستمانی پالیشی آنی سر ئَ انت۔ پاکستان ئَ ناشرکاری ئِ ھلاپ ئَ جنگ ئَ ارزشتی ایں کرد ئِ پیلو کنگ ئَ انت۔ ناشرکاری ئِ ھلاپ ئَ جنگ ئَ کامیاتی ئَ گوں ایمنی در جتگ۔ آ رسالپور پی اے ایف اصغر خان اکیڈمی ئَ کیڈٹس آنی پاسنگ آﺅٹ پریڈ ئَ گوں گشتانک دیان ئَ کت۔ جارچین پاک فضائیہ ئِ رد ئَ چیئرمین جوائنٹ چیف آف سٹاف کمیٹی جنرل زبیر محمود حیات رسالپور ئَ پج ات گڈا ائیر چیف مارشل مجاہد انور خان ئَ ھاسیں مہمان آناں وش اتک کت۔ ھاسیں مہمان جنرل زبیر محمود حیات ئَ پریڈ ئِ ورنا آنی چار ئُُ تپاسی کت۔ ائیر چیف مارشل مجاہد انور ھاسیں مہمان ئِ ھمبراھی ئَ سلامی گرگ ئِ چاردپ ئِ توک ئَ اتک۔ کیڈٹس آں مارچ پاسٹ کت ئُُ سلامی دات۔ اے موہ ئِ سر ئَ اُردی بینڈ آں ڈھل ئُُ ڈُکّر جت۔ ھاسیں مہمان جنرل زبیر محمود حیات ئَ سکواڈرن نمبر 2 ئَ را قائداعظم بینر دات۔ 142 جی ڈی پی ، 88 ایروناٹیکل انجینئرنگ کورس ئُُ 23 اے اینڈ ایس ڈی، 98 اے ڈی ئِ پاسنگ آو¿ٹ پریڈ ئَ پاکستان ئَ ھوار دوستیں ملک آنی کیڈٹس پاس آﺅٹ بوھوک آنی تہ ئَ ھوار انت۔ ھاسیں مہمان جنرل زبیر محمود حیات ئَ پاس آﺅٹ بوھوکیں کیڈٹس آناں بیج جت۔ مراگش ئَ گوں گشتانک دیان ئَ چیئرمین جوائنٹ چیف آف اسٹاف کمیٹی جنرل زبیر محمود حیات ئَ گوشت کہ کشمیری آں گوں ھُب ئُُ واھگ مئے ھون ئِ تہ ئَ ھوار انت، کشمیر ئِ جیڈھ ئِ ھوالگ ئَ اقوام متحدہ ئِ منوگری آناں پد ئُُ رند بوھگی انت، کشمیر ہندوستان ئِ بھر بھر بوھگ ئِ ناسرجمیں جیڈھ ات۔
