صدرمملکت ڈاکٹر عارف علوی ءَ گوں پارلیمنٹری رپورٹرز ایسوسی ایشن ءِ نوک گچین بوتگیں کارندہ آنی گوما گند ءُُ نند کت ءُُ آواناں گچین بوھگ ءِ پد ءَ مبارکی دات

اسلام آباد ۔ 10 اکتوبر (اے پی پی) صدرمملکت ڈاکٹر عارف علوی ءَ گوں پارلیمنٹری رپورٹر ایسوسی ایشن (پی آر اے ) ءِ نوک گچین بوتگیں کارندہ آں پنچ شمبے ءِ روچ ءَ ایوان ءِ صدر ءَ آئی ءَ گوں گند ءُُ نند کت ۔ صدر ءِ مملکت ءَ توا میں کارندہ آناں گچین بوھگ ءِ پد ءَ مبارکی دات ۔ آئی ءَ گوشت کہ پریس گیلری پارلیمنٹ ءِ یک ارزشتی ایں بھر ات ءُُ ایشی ءَ جیڈھ آناں جوانیں درشان داب ءِ گوما گیش ءُُ گیوار کنگ ءَ پی آر اے ءِ ارزشت سک باز انت ۔ صدر ءِ مملکت ءَ پی آر اے ءِ ممبر آں ی پارلیمان ءِ کاروائی ءِ کوریج ءِ ستا ءُُ توسیپ کت ءُُ گوشت کہ وھد ءِ گوما میڈیا ءِ تہ ءَ ھم دیمروی ءِ کار ھم جاڑی انت ۔ سرج میں دگنیا ءَ پرنٹ میڈیا ءِ سر ءَ معاشی پریشر گیش ودگ ءَ انت وھدیکہ سوشل میڈیا ترندی ءَ گوں مشور بوھگ ءَ انت ۔ آئی ءَ گوشت کہ سوشل میڈیا ءِ سر ءَ کس ءِ کنٹرول نیست انت ایشی ءِ سبب ءَ بازیں موہ آنی سر ءَ ردئیں ھال آناں ھم کوریج رسیت ۔ اے موہ ءِ سر ءَ پی آر اے ءِ صدر بہزاد سلیمی ءَ صدر ءِ مملکت ءَ را اھوالکاری ءِ استیں جیڈھ آنی بابت ءَ سرپد کت ایشی ءِ ھوالگ ءَ صدر ءِ مملکت ءَ اے جیڈھ آنی گیواری ءِ واستہ ھاسیں دلگوشی دیگ ءِ سر ءَ دل یکیمی دات ۔ سیکریٹری اھوالکاری زاہدہ پروین ءَ حکومت ءِ نیمگ ءَ چہ اھوالکاری آنی جیڈھ آنی گیواری ءِ واستہ کتگیں گامگیج آنی بابت ءَ صدر ءِ مملکت ءَ را سرپد کت ۔