اسلام آباد ۔ 10 اکتوبر (اے پی پی) مزن وزیر عمران خان ءِ سروکی ءَ معاشی ٹیمب ءِ دیوان پنچ شمبے ءَ ادا برجم دارگ بیت ۔ دیوان ءَ بنجاھی وزیر مخدوم خسرو بختیار، عمر ایوب، حماد اظہر، محمد میاں سومرو، مشیر ءِ ھزانگ ڈاکٹر عبدالحفیظ شیخ، مشیر تجارت عبدالرزاق داود، مشیر کارانی گہتر کنوک ڈاکٹر عشرت حسین، ھاسیں کمکار ڈاکٹر فردوس عاشق اعوان، یوسف بیگ مرزا، شوکت ترین، چیئرمین ایف بی آر شبر زیدی، چیرمین سرمایہ کاری بورڈ، چیئرمین این ڈی ایم اے ءُُ کلانہ ایں اپسرگ ھم ساڑی اتنت ۔ دیوان ءَ گوں گشتانک کنان ءَ مزن وزیر ءَ گوشت کہ مئے اولی ترجی معاشی نظام ءَ را برج میں بنیات آنی سر ءَ چلائینگ انت ایشی ءِ نتیجگ ءَ روزگار ءِ موہ پیداک بنت، سرمایہ کارآنی دل یکیمی گیش بیت ءُُ ھندی پڑ ءَ ایشاناں دیمروئی رسیت ۔ دیوان ءَ کسانیں ءُُ نیام کچ ءِ کارخانہ (ایس ایم ایز) آنی دیمروئی ، نادُراھیں کارخانہ آنی برجائی ءُُ جوڑیشت سیکٹر ءَ را آسراتی دیگ ءِ ھوالگ ءَ سرج میں تران کنگ بوت ۔ دیوان ءَ را سرپد کنگ بوت کہ پبلک پرائیویٹ پارٹنر شپ کانود ءِ چیر دستی ءَ ایشی ءِ برجائی بوت کنت ۔ مزن وزیر ءَ پنت ءُُ شون کت کہ 60روچ آنی اندر ءَ یک ٹوھیں منصوبگ بندی ءِ چیر دستی ءَ اے نونٹس آنی برجائی ءِ واستہ ھما کانود ءُُ انتظامی گہتری ءِ ضلورت انت، ایشاناں سرجم کنگ بہ بیت ۔ کسانیں ءُُ درمیانی صنعت آنی دیمروئی ءِ ھوالگ ءَ سرپد کنگ بوت کہ ایس ایم ایز آنی تہ ءَ اے وھد ءَ سرمایہ کاری، نوکیں ٹیکنالوجی ءِ کارمردی یے کمی، بلدکاری مردم آنی کمی، کانود آنی تہ ءَ مٹ ءُُ بدلی، سمیڈ ءَ گہتری، ریسرچ ءِ کمی ءِ وڑیں جیڈھ آنی گوما دیم پہ دیمی انت ۔ اے رد ءَ مزن وزیر ءَ پنت ءُُ شون کت کہ پرائیویٹ سیکٹر ءَ ایس ایم ایز ءِ دیمروئی ءِ واستہ ھوار کنگ بہ بیت ۔ کاروبار ءَ آسانی پیداک کنگ بہ بیت تانکہ سرمایہ کار بے دلے لرزگ ءُُ بیم ءِ آماچ ءُُ ابکہ بوھگ ءَ سرمایہ کاری کت بکن اَنت ۔ ھندی پڑ ءَ کسانیں صنعتی یونٹس آناں ترجی دیگ بہ بیت تانکہ روزگار ءِ موہ پیداک بہ بنت ۔ مزن وزیر ءَ پنت ءُُ شون کت کہ یک ھپتگے ءِ تہ ءَ ایس ایم ایز آنی دیمروئی ءِ واستہ سرج میں ایکشن پلان پیش کنگ بہ بیت ایشی ءِ تہ ءَ جتا جتائیں ٹارگٹ سرجم کنگ ءِ واستہ گیشینتگیں ھد ءُُ ابیل آنی نشان دیگ ھوار بہ بنت ۔ جوڑیشتی سیکٹر ءِ واستہ آسراتی پجارینگ ءِ ھوالگ ءَ گوشگ بوت کہ اے شوبگ ءِ ھوالگ ءَ کارخانہ آناں زوت ٹیکس ءِ آسراتی دیگ بیت ۔ سٹیل ءُُ سیمنٹ کارخانہ آنی سیلز ٹیکس ءِ ھوالگ ءَ مزن وزیر ءِ ھزانگ ءِ مشیر ءَ را پنت ءُُ شون کت کہ آ ایف بی آر، نوکیں پاکستان ہاءوسنگ اتھارٹی ءُُ صوبائی حکومت آنی گوما ھوار بوھان ءَ کاررھبند ءِ جوڑ کنگ بیت ءُُ آیوکیں ھپتگ ءَ تاں رپوٹ پیش بکنت ۔ مزن وزیر ءَ اے گپ ءِ سر ءَ زور دات کہ معاشی ٹیمب ءِ گوما مول ءُُ مرادی دیوان برجم دارگ بہ بیت ایشی ءِ درستاں چہ مستریں مول ءُُ مراد وزارت آنی نیام ءَ یکوئی آناں گیش ودینگ انت ۔
