وزیراعظم عمران خان مستین نا حکومت آتے ٹی پلوک آ قومی دولت نا ہلنگ کن پرعزم ءِ
اسلام آباد ۔ 10اکتوبر (اے پی پی) پارلیمانی سیکرٹری ٹیکسٹائل انڈسٹری عالیہ حمزہ ملک پارینے کہ وزیراعظم عمران خان غٹ آ پیدوار کرینے کہ مستین نا حکومت آتے ٹی پلوک آ قومی دولت نا ہلنگ کن پرعزم ءِ ۔ پنچ شنبے نادے آ اسہ نجی نیوز چینل اسے تون گپ و تران کرسا اوپارے کہ حکومت ملک ءِ شونہالی نا کسر آ روان کننگ ءِ ہرانا سوب آن اپوزیشن جماعت آک حکومت نا نمان کارکڑد ءِ توننگ اٹ لگوک ءُ ۔ اوجمعیت علمائے اسلام ف انا سروک مولانا فضل الرحمان نا آزادی مارچ ءِ اسہ سیاسی ڈرامہ اس گوندانے ۔ اپوزیشن جماعت آک آزادی مارچ انا معاملہ غا مہالو آن پنچ و شش اٹی ءُ انتئے کہ مارچ اٹی شرکت و تاریخ اس پک کننگ یا تاریخ ءِ حتمی دروشم اس تننگ نا بارواٹ اوفتا بیان آتے بدل کننگ انگ ءِ، اپوزیشن احتساب نا عمل ءِ بند کننگ کپک ۔ اوپارے کہ نام نہاد آزادی مارچ انا پد اٹ حزب اختلاف نا جماعت آک تینا سیاسی مسخت آتے دوئی کننگ کپسہ انتئے کہ بروک آ حکومت مولانا تون اوار حزب اختلاف نا جماعت آتا راہشون تا دروشم ءِ بے نقاب کرینے ۔
