اسلام آباد ۔ 9اکتوبر(اے پی پی ) سینیٹءِ چیئرمین محمد صادق سنجرانی ءَ گوں کوءٹہ چیمبرآف کامرس ءِ 16باسکی ڈلءِ گندء ُنندکتگ، ڈل ءِ سروکی چیمبرءِ نائب صدر بہادرخان کاکڑ ءَ کتگ، آیاں مزن گسءَ گندء ُ نندکتگ ۔ سینیٹءِ چیئرمین ءَ گشتگ کہ بلوچستان ءَ بیپاری سرُء ُ پُرآں گیش کنگءِ ھاترءَ تچکء ُ قابل عمل پالیسی جوڑ کنگءِ ضلورت اِنت تنکہ بلوچستانءِ بیپاری براتیء ِ جیڑہ ء ُ جنجال ہلاس کنگ بہ بنت ۔ آئیءَ گشتگ کہ ایوان بالا ء ُ آئیءِ بازیں کمیٹی آں مدام پہ بلوچستان ءَ وتی توار چست کتگء ُ دیما ہم وتی توارء َ چست کنت ۔ ڈل ءَ گوں گندء ُنندءَ سینیٹ ءِ کامرس کمیٹی ءِ چیئرمین سینیٹر مرزا آفریدی، صعنت ء ُ پیداوارءِ چیئرمین سینیٹر احمد خانء ُ سینیٹر نصیب اللہ بازئی ہم چیئرمین ءِ ہمراہ بوتگ ۔ سینیٹ چیئرمین ءَ گشتگ کہ سینیٹ ءِ کامرس کمیٹی ء ُ سینیٹءِ صنعت ء ُ پیداوار کمیٹی ءَ پہ بلوچستان ءِ بیپاری تبک ءِ ضلورتانی حیال کتگء ُ بازیں دیواناں حکام ءَ چہ بیپاری براتی ءِ جیڑہء ُ جنجالانی گیشء ُ گیوار کنگءِ ھاترءَ پسو لوٹ اِتگ ۔ ایشی ءَ پیسر ڈل ءِ رہنما ء ُ باسکاں سینیٹءِ چیئرمین ء َ را وتی جیڑہء ُ جنجالاں چہ سرپد کتگ ۔
