بیجنگ ۔ 9 اکتوبر (اے پی پی) مزن وزیر عمران خان ءَ السی جمہوریہ چین ءِ مزن وزیر لی کی چیانگ ءِ دعوت ءِ پد ءَ 8ءُُ 9اکتوبر ءَ چین ءِ تر ءُُ تاب کت ۔ تر ءُُ تاب ءِ ساھت ءَ مزن وزیر ءَ چین ءِ صدر شی جن پنگ ، مزن وزیر لی کی چیانگ ءُُ نیشنل پیپلز کانگریس ءِ سٹینڈنگ کمیٹی ءِ چیئرمین لی ژان شو ءَ گند ءُُ نند کت ۔ مزن وزیر عمران خان ءَ چین ءِ کاروباری سروک آں گوں ھم گند ءُُ نند کت ۔ دوئیں ملک آنی سروک آں وت مہ وتی واھگی کار دو نیمگی ءُُ میاں اوستمانی کار آنی سر ءَ ھیال ریچی کت ۔ چار شمبے ءَ مزن وزیر عمران خان ءَ چین ءِ تر ءُُ تاب ءِ بابت ءَ جاڑی بوھوکیں یکجائی جار آنی رد ءَ گند ءُُ نند ءُُ دود ءُُ ربیدگی واھشت، وت مہ وتی تپاکی ءُُ سٹریٹیجک دل یکیمی ءِ آدینک گندگ بیت ۔ مزن وزیر عمران خان ءَ بیجنگ ہارٹیکلچر ایکسپورٹ 2019 ءَ ھاسیں مہمان ءِ بستار ءَ شریک ات ۔ مزن وزیر ءَ چین ءِ سروکی ءُُ الس ءَ را السی جمہوریہ چین ءِ 70 ھپتادمی راجی روچ ءِ درگت ءَ مبارکی دات ۔ آئی ءَ چین ءِ جوانیں دیمروئی ءَ را ساڑات ءُُ اے گپ ءِ سر ءَ زور پر دات کہ چین ءَ را کاروبار ءِ واستہ پچ کنگ دیمروئی کنوکیں ملک آنی واستہ یک درور ات ۔ آئی ءَ گوشت کہ چینی راج ءَ وتی جوانیں درور ءَ راجی دیمروئی ءَ را گواچنی ءِ تہ ءَ مٹ کتگ ۔ 4نومبر 2018ءَ یکجائیں جار ءِ ھوالگ ءَ تران کنان ءَ گوشت کہ چین ءُُ پاکستان ءِ نیما ءَ ارزشتی ایں دو نیمگی تپاکی منت نامہ پیش کنگ بوتگ، پریک آں دوئیں ملک آنی نیام ءَ جوانیں یکوئی آناں گیش مھکم کنگ ءِ جزم ءِ درشان کت ، ایشانی مول ءُُ مراد نوکیں زمانگ ءَ یکجائی آیوکیں باندات ءِ جوڑیشت کنگ انت ۔ چین ءُُ پاکستان ءِ نیام ءَ مھک میں دوستی ءُُ سٹریٹجک شریکداری است، ایشاں چہ دوئیں ملک ءُُ ایشانی توکے نندوکیں الس آناں بنیاتی سیت آنی رکھینگ ءُُ دمگ ءَ ایمنی، برجائی ءُُ دیمروئی ءَ را دل یکیمی کنگ ءَ کمک رسیت ۔ پریک آں یک ءِ دومیگ ءِ بنیاتی سیت ءِ کار آنی سر ءَ وتی کمک ءِ جزم آناں دووارگ گوشت ۔ دوئیں ملک آں سسٹرسٹی یکوئی ءِ بابت ءَ وتی جزم آنی درشان کت ءُُ اے گپ ءِ سر ءَ واھشت ءِ درشان کت کہ اے ھوالگ ءَ نومبر 2019ءَ اسلام آباد ءَ یک ٹوھیں ایونٹ ءِ برجم دارگ بوھگ ءَ انت ایشی ءَ چہ دوئیں ملک آنی نیام ءَ دود ءُُ ربیدگی کمک ءُُ السی رابطہ گیش جھلانک بنت ۔ پریک آں اے گپ ءِ سر ءَ زور پر دات کہ دوئیں ملک آنی نیام ءَ وانگ ءُُ زانگ ءِ شوبگ ءَ یکوئی گیش مھکم بوھگ ءَ انت ۔ اے موہ ءِ سر ءَ مزن وزیر عمران خان ءَ پاکستان نودربر آناں چین ءَ زانشت ءِ در جنگ ءَ موہ پجارینگ ءَ چینی سروک آنی شگر ءُُ منت گپت ۔ آئی ءَ اے امیت ءِ درشان کت کہ اے نودربر دوئیں برات آنی نیام ءَ راجدپتری ءُُ جھلانکیں یکوئی ءِ موہ پجارینگ ءَ ارزشتی ایں کرد ءَ پیلو کن انت ۔ 7ستمبر 2019ءَ اسلام آباد ءَ سیمی چین اوگانستان ۔ اپاکستان درئی کارانی وزیر آں گوں گپ ءُُ تران آنی ھوالگ ءَ دل یکیمی ءِ درشان کت ۔ چین ءَ اوگانستان ءَ ایمنی ءِ درشان ءُُ سلاھی کار آنی رد ءَ پاکستان ءِ کوشست آناں ساڑات ۔ پریک آں گوشت کہ اوگان آنی سروکی ءَ اوگان آنی وسیلگ ءَ ایمنی ءِ کار اوگانستان ءَ ایمنی ءُُ برجائی ءِ کلیت انت ۔ دوئیں نیمگی ءَ ناشرکار تُری کجام ھم شکل ئے بہ بنت ھلاپ ءَ جنگ ءِ جزم ءِ درشان کت ءُُ توا میں ملک آنی سر ءَ زور پر دات کہ ناشرکاری ءِ واستہ میاں اوستمانی کمک آناں گیش مھکم بکن انت ۔ چین ءَ پاکستان ءِ ناشرکاری ءِ واستہ داتگیں جوانیں کربانی آناں ساڑات ۔ یکجاھیں جار ءَ پاکستان ءِ نیشنل ایکشن پلان ءِ سر ءَ کار ءِ واستہ ھمبراھ داری کنان ءَ میاں اوستمانی برات آنی سر ءَ زور پر دیگ بوت کہ ا ٓ ناشرکاری ءِ ھلاپ ءَ جنگ ءَ کامیاتی ءِ وسیلگ ءَ دمگی ایمنی ءُُ برجائی ءِ واستہ پاکستان ءِ کرد ءَ را پکوئیں رنگ ءَ بہ من انت ۔ پریک آں دوئیں ملک آنی نیام ءَ فورم آنی سر ءَ نزیکیں کمک آنی سر ءَ دل یکیمی ءِ درشان کنان ءَ ٹوھیں یکوئی ءُُ شور ءُُ مشور آناں گیش ودینگ ءِ جزم ءِ درشان کت ۔ پریک آں اقوام متحدہ ءِ چارٹر ءِ کار رھبند ءُُ مول ءُُ مراد آنی در جنگ ءِ واستہ وتی جزم ءُُ درستانی سیت ءَ ھمبراھ داری ءُُ کمک کت ۔ تر ءُُ تاب ءِ ساھت ءَ مزن وزیر لی کی کیانگ ءُُ مزن وزیر عمران خان ءَ جتا جتائیں منوگری ءُُ سیت آنی یاتگیری آنی سر ءَ دست چنگل جت ۔ مزن وزیر عمران خان ءَ جوانیں میزبانی ءُُ پُرمڈاھیں وش اتک ءِ پد ءَ چین ءِ سروک ءُُ الس ءِ شگر ءُُ منت گپ ءُُ چینی سروک آناں جوانیں وھد ءُُ پاس ءَ پاکستان ءِ تر ءُُ تاب کنگ ءِ دعوت دات ۔
