لاہور ۔ 9 اکتوبر(اے پی پی ) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ مولانا فضل الرحمن جوانیں سیاست ءِ مٹ ءَ چندہ گرگ ءِ سیاست ءَ کنگ ءَ انت ءُُ دروگ ءُُ بنڈل ءَ ھوار مزن وزیر ءَ گوں کسد ءُُ کینگ ءِ کشک ءِ گپتگ ءُُ روگ ءَ انت، پاکستان ءَ گوں واھگ کنوک اچبر اے وڑیں زاتی ایجنڈا آنی گوما ھمبراہ داری کنان ءَ نہ اوشت انت ۔ جاک ءُُ کوکار کنگ مولانا ءِ ھک انت بلے ایشی ءِ واستہ اے وھد شر نہ انت، مولانا ہوش ءِ گولی ءَ بوارت ءُُ پاکستان ءَ بے ایمنی ءُُ نہ وشیں جاور آنی آماچ کنگ ءِ مٹ ءَ مزن وزیر ءِ دیمروئی ءُُ وشھالی ءِ گوما ھمگام ءَ بہ اوشت انت چیا کہ ایشی ءِ اے گامگیج پاکستان ءَ را سیاسی رنگ ءَ ٹُکر ٹُکر کنگ ءِ بروبر انت ۔ دگنیا پاکستان ءَ را اکنامکس فرنٹ ءِ سر ءَ ارزشتی ایں لیبی ءِ رنگ ءَ چارگ ءَ انت، پاکستان ءِ معیشت ءِ چلگ ءَ چہ مُزور ءِ چُل ءَ آس روک بیت وھدیکہ ٹیکسٹائل انڈسٹری پاکستان ءِ صنعت ءِ واستہ سرین ءِ ھڈ ءِ بستار ءَ دار ایت ۔ سیاسی مورچہ آنی تہ ءَ نندوکیں ھلاپ ءِ پارٹی ءِ مردم آنی پنچ سالی دور ءُُ باریگ ءَ زیرو ایکسپورٹ بوتگ وھدیکہ مئے حکومت ءَ چِل ارب ءِ وام گرگ بوتگ، مئے حکومت ءَ ڈن ءَ روان دیگ ءِ مٹ ءَ ڈن ءَ چہ آرگ ءَ را ترجی داتگ ءُُ مزن وزیر ءَ ٹیکسٹائل انڈسٹری ءِ برجائی ءِ واستہ گامگیج کتگ، اپٹما ءَ حکومت ءُُ مزن وزیر ءَ را دلپدرد نہ کتگ، مزن وزیر عمران خان ءَ چین ءِ صدر ءُُ مزن وزیر ءَ گوں گند ءُُ نند آنی تہ ءَ وت مہ وتی تجارت ، سی پیک ءِ اقتصادی دیمروئی ءُُ کاروباری رابطہ آناں گیش ودینگ ءِ سر ءَ ھیال ریچی کتگ، گند ءُُ نند ءَ مقبوضہ کشمیر ءَ بھارتی ظلم آنی ھلاپ ءَ ھم گپ ءُُ تران بوتگ، چائنہ ءَ پاکستان ءِ اوگانستان ءَ کرد ءِ سر ءَ ھم دل یکیمی ءِ درشان کت، سی پیک ءِ چیر دستی ءَ جوڑ بوھوکیں انڈسٹریل زون ءَ چہ ملک ءِ اندر ءَ دیمروئی ءُُ وشھالی کئیت ۔ آ چار شمبے ءِ روچ ءَ آل پاکستان ٹیکسٹائل ملز ایسوسی ایشن (ایپٹما) ءِ کارگس ءَ پریس کانفرنس ءَ گوں گشتانک کنگ ءَ ات ۔
