اسلام آباد ۔ 9 اکتوبر (اے پی پی) تہی کارانی بنجاہی وزیر سید اعجاز شاہ ءَ گوشت کہ مولانا فضل الرحمان ءِ یک لوٹے اے رنگیں نیست انت کہ آئی ءِ حکومت ءَ نوٹس نہ گپتگ ، مدارس ءِ نصاب ءِ تہ ہچ بدلی آرگ مہ بوھگ انت،حکومت گراں بہائی ءِ سرا گرودار ءُُ معیشت ءِ گہتری ءِ ھاترا سکیں گاماں چست کتگ انت ۔ من سرپد انت کہ مولانا فضل الرحمان لانگ مارچ کنگ ءَ پہ مہ کائینت، پاکستان ءَ را سفارتکارانی ھاترا محفوظ ملک قرار دیگ بوتگ، مقبوضہ کشمیر ءِ تہ 65 روچاں چہ کرفیوبرجاہ انت، مودی حکومت سک پریشر ءِ تہ انت،مزن وزیر عمران خان ءُُ پاکستان ءِ حکومت ءِ سفارتی گامگیج ءَ چہ جاور گہتر بنت ۔ اے ھیالانی درشان آہاں چار شمبے ءَ ادا اھوالکاراں گوں گپ ءُُ تران کنان ءَ کتگ ات ۔ تہی کارانی وزیر ءَ گوشت کہ ڈپلومیٹک انکلیو ءِ سکیورٹی ءِ گہتری ءِ ھاترا فیش گامگیج زورگ بوھگا انت ۔ چیف کمشنر اسلام آباد ءَ اے مکسد ءِ ھاترا بجٹ منظور کنائینت انت ۔ ڈپلومیٹک انکلیو ءِ دگ ءُُ دگہ آسراتی ءَ را گہتر کنگ بیت ۔ یک دو ماہے تہ اے جاھ باز گہتر چارگ ءَ بیت ۔ آہاں گوشت کہ اسلام آباد ءِ آباتی ءِ تہ باز ودکی بوتگ انت ءُُ گوستگیں 9 سالءِ پدا پولیس ءِ محکمہ ءَ بھرتی کنگ بوھگ انت ءُُ 1260 کارندہ بھرتی کنگ بنت ۔ آہاں گوشت کہ زوربرتگیں کشمیر ءِ تہ65روچاں چہ کرفیو برجاہ انت ءُُ کرفیو ءِ آسرءَ جاورباز نگیگ انت ۔ مزن وزیر عمران خان ءُُ ایشی ءِ حکومت ءَ سفارتی تبک ءِ سرا ہمہ کہ گام چست کتگ ات آہاں چہ جاور زوت گہتر بہ بنت ۔ یک جستے پسو ءَ آہاں گوشت کہ مولانا فضل الرحمان کوھنیں سیاستدان انت،من سرپد انت کہ مولانا فضل الرحمان لانگ مارچ کنگ ءَ مہ کائینت ۔ آہاں گوشت کہ حکومت ءَ سک گام چست کتگ ات ایشی ءَ چہ معیشت دیمروئی کن ایت ۔
