اسلام آباد ۔ 9 اکتوبر (اے پی پی)مزن وزیر ءِ ھاسیں کمکاربرائے ھالرسانی ءُُ شنگکاری ڈاکٹر فردوس عاشق اعوان ءَ گوشت کہ مزن وزیر عمران خان ءُُ چین ءِ مزن وزیر لی کی چیانگ ءِ نیمگا چہ گرمجوشی ءَ گوں گند ءُُ نند دوآئرن برادرز ءِ مزنیں دوستی ءِ پدرائی انت، اے دوستی خطہ ءُُ دگنیا ءِ تہ یک مثال انت ءُُ امن ءُُ دیمرئی ءِ نشان انت ۔ مزن وزیر عمران خان ءِ مزنیں اُلسی ہال ءِ سرا آھگ ءِ سرا چین ءِ مزن وزیر ءِ نیمگا چہ پُرشانیں وش اتک دوئیں سدابہار دوستانی لازوال ءُُ جہلانکیں رھوت ءِ درخشان باب انت،گند ءُُ نند ءِ تہ زوربرتگیں کشمیر ءِ تہ انسانی حقانی نگیگیں جاورھال ءُُ انسانی بحران سرا گپ ءُُ تران کنگ اے گپے پجار انت کہ عمران خان ہمک محاذ سرا کشمیریانی حق ءِ ھاترا اوشتاتگ انت ۔ ڈاکٹر فردوس عاشق اعوان ءَ چار شمبے ءَ وتی ٹویٹ ءِ تہ گوشت کہ دوئیں راھشونانی گند ءُُ نند لہتیں تک آنی تہ کمک ءَ را گیش مھکم ءِ سبب جوڈ بہ بیت ۔ آہاں گوشت کہ چینی مزن وزیر ءَ عمران خان ءِ سی پیک منصوبگانی سرا ترند رپتاری ءَ گوں سرجمی ءِ جزم ءُُ پیشرفت ءِ سرا منت گپتگ انت ۔ ڈاکٹر فردوس عاشق اعوان ءَ گوشت کہ مزن وزیر عمران خان ءِ چینی ہم کار ءِ گوما گند ءُُ نند ءِ تہ زوربرتگیں کشمیر ءِ تہ انسانی جانانی نگیگیں جاورھال ءُُ انسانی بحران ءِ سرا گپ ءُُ تران اے گپے عکاس انت کہ عمران خان ہر محاذ سرا کشمیریانی حقءِ ھاترا اوشتاتگ انت ۔
