دری کارانی وزیر مخدوم شاہ محمود قریشی ءِ مزن وزیر عمران خانءِ چینءِ ترء ُتابءِ موہءَ گپء ُ تران

بیجنگ ۔ 9اکتوبر(اے پی پی) دری کارانی وزیر مخدوم شاہ محمود قریشی ءَ گشتگ کہ پاکستانء ُ چین ءَ وانگء ُ زانگ، منشیاتءِ گرء ُدار، معذور آنی پلاحء ُ گہبود ء ُ گوادر ءَ ڈی سیلینیشن پلانٹ جوڑ کنگءَ ہواگ دگہ بازیں یاتگیریانی سرءَ دستخط کتگ، سولء ُ تران ءَ بیپاری ء ُاقتصادی کمک ءَ را گیش کنگء ُ سی پیک ءِ ہوالگءَ گپء ُ تران بوتگ، دوئیں ملک آں ہر وہدءَ یکے دومی ءَ گوں ہمراہ دا ری کتگ، چین ءِ صدر شی جن پنگ ءِ بھارتءِ ترء ُتاب ءَ چہ پیسر ہم ما یکے دومی گوما گندء ُ نند کتگ، ترء ُ تابءَ پد ہم ما یکے دومی ءَ رابطہ کناں ء ُ آ مارا حالاں سرپد کنت ۔ اے حیالانی درشانی آئیءَ چارشمبے ءِ روچءَ مزن وزیر عمران خان ءِ چینءِ ترء ُتاب ءِ ہوالگءَ گپء ُتران کنانءَ کتگ ۔ آئیءَ گشتگ کہ صدر شی یک کسان مدتی ترء ُتابءَ بھارتءَ رءوگءَ اِنت آئیءِ اے واہشت بوتگ ء ُ مے ہم واہشت بوتگ کہ ما یکے دومی ءِ گوما گندء ُ نند بہ کن اَنت ء ُ وتی گپاں یک بہ کن اَنت ، ما یکے دومی ءَ گوں شورء ُصلہ کتگ ، ترء ُ تابءَ پد ہم ما یکے دومی ءَ گوں نزیکی کناں ء ُ آ مارا حالاں دنت ۔ ما سیادی انچیں سیادی اِت کہ ما ہمک کارءَ پسر یکے دومیءَ حال الم ّءَ دیاں ۔ آئیءَ گشتگ کہ مزن وزیر عمران خان ءِ چینءِ مزنیں سروکاں گوں گندء ُنند بوتگء ُ مزن وزیر عمران خانءِ صدر شی ءَ گوں ہم گندء ُ نند بوتگ ۔ مزن وزیر عمران خانءِ سینزدہ ماہ آں چینءِ سئمی ترء ُتاب اِنت ۔ آئیءَ گشتگ کہ بازیں یات گیریانی سرءَ دستخط کنگ بوتگ کہ کہ ایشانی تہءَ آپءِ جیڑہ ءِ سرءَ یک ڈی سیلینیشن پلانٹ جوڑ کنگءِ فیصلہ کنگ بوتگ ء ُ گوادر ہم ایشی ءَ چہ پائدگ چست کنت ۔ وانگء ُ زانگءِ پڑءَ ایم اویوءِ سرءِ سرءَ دستخط کنگ بوتگ اَنت ۔ معذورمردمانی پلاح ء ُ گہبود ءِ ھاترءَ ہم یاتگیری ءِ سرءَ دستخط کنگ بوتگ ۔ نارکاٹیکس کنٹرول ءِ ہوالگءَ ہم ایم ویوء ِ سرءَ دستخط کنگ بوتگ ۔