گرانیں اقتصادی جاورھالاں چہ درکنگءِ ھاترءَ چینءِ مالیاتی کمک کدی شموشگ نہ بنت
بیجنگ ۔ 9اکتوبر(اے پی پی) مزن وزیر عمران خانءَ چارشمبے ءِ روچءَ چینءِ صدر شی جن پنگ ءَ گوں گندء ُنندکتگء ُ دونیمگی کاراں ہوار خطہ ءِ جیڑہ آنی سرءَ حیالء ُ لیکہ ءِ درشانی کتگ ۔ گندء ُنندءَ مزن وزیر عمران خان ءَ کشمیرءِ جیڑہ ءِ سرءَ چینءِ صدر ء ُ آئیءِ حکومتءِ ہمراہ داری کنگءِ شگرء ُ منت گپتگ ۔ آئی ءَ اقوام متحدہ ءِ جنرل اسمبلی ءِ دیوانءَ دیوانءِ دری کارانی وزیر وانگ ژی ءِ لیکہ ءِ حاس ذکر کتگ ۔ مزن وزیرءَ گشتگ کہ چین ءَ ہروہد ءَ ء ُ ہمک گرانیں وہداں پاکستان ءَ گوں ہمراہ داری کتگ ۔ آئیءَ چینءِ صدرءَ را ملک ءِ انوگیں اقتصادی جاورھالانی ہوالگءَ سرپد کتگء ُ گشتگ کہ پاکستان ءِ گرانیں اقتصادی وہدءَ چہ د ر اَتکگ ۔ آئیءَ گشتگ کہ اے بابتءَ ما چینءِ مالیاتی کمک کدی شموشگ نہ بنت ۔ آئیءَ وتی ء ُ وتی ڈلءِ پُرمڈائیں وش اَتک کنگءَ صدر شی جن پنگ ءِ شگر ء ُ منت گپتگ ۔ گندء ُ نندءَ چین ءِ صدرءَ اقوام متحدہ ءِ جنرل اسمبلی ءِ دیوا ن ءَ چین پاکستانی سیادی ءِ سرءَ مزن وزیر عمران خانءِ گوشتانکءَ را ساڑاتگ ۔ ایشی ءَ پیسر مزن وزیر عمران خان ء ُ آئی ءِ ڈلءَ را چینءِ صدر جن پنگ ءَ وش اَتک کتگ ۔ مزن وزیرءَ چینءِ مزن وزیر لی کی چیانگ ءَ گوں ہم گندء ُنندکتگ ء ُ اے موہءَ آئیءَ چینءِ 70می راجی روچءِ مراد بات داتگ ۔ آئیءَ مزن وزیر لی کی چیانگ ءَ را سی پیک ءِ منصوبہ آنی سرءَ گشادی ءَ گوں کار کنگء ُ گوادر ءَ پہ دیمروئی ءِ ھاترءَ کتگیں گامگیجاں چہ سرپد کتگ ۔ آئیءَ سی پیک منصوبہ ءَ را دیما برگءِ ھاترءَ پاکستانءِ گامگیج ساڑاتگء ُ گشتگ سی پیک ءِ دومی بھر پاکستان ءِ اقتصادی دیمروئی ءَ را محکمء ُ گہتر کنگءَ کمک دنت ء ُ پاکستانءَ چین ءِ زرکاری گیشتر بیت ۔ مزن وزیر عمران خان ءَ چینءِ مزن وزیرءَ را پاکستانءِ ترء ُتابءِ دعوت داتگ ۔ پاکستانءِ ڈلءِ سروکی مزن وزیر عمران خان ءَ کتگء ُ چینءِ مزن تک ءِ وزارتی ڈل ءِ سروکی چینءِ مزن وزیر ءَ کتگ ۔ دوئیں ملک آنی نیامءَ دونیمگی گپء ُترانءَ پد چینءِ مز ن وزیر لی کی چیانگ ءَ مزن وزیر عمران خانء ُ آئیءِ ڈلءِ شرپءَ شپ ءِ نان ءِ دعوت کتگ ۔
