اسلام آباد ۔ 8اکتوبر(اے پی پی) پاک فوج ءِ سروک جنرل قمر جاوید باجوہ ءَ چین ءِ پیپلزلبریشن آرمی ءِ کمانڈر جنرل ہان ویگو ء ُ سنیٹرل ملٹری کمیشن ءِ وائس چیئرمین ءَ گوں گند ء ُ نندکتگ کہ آیاں مقبوضہ کشمیر ءِ جاورھالاں ہوار دمگی سلامتی ءِ جاورھال ء ُ پاک چین دیمپانی کمک ءِ سرءَ گپء ُتران کتگ ۔ آئی ایس پی آر ءِ گشگءِ ردءَ جنرل قمر جاوید باجوہ ء َ را پیپلز لبریشن آرمی ءِ ہیڈ کوارٹرز ءِ ترء ُتابءِ موہءَ گارڈ آف آنر پیش کنگ بوتگ ۔ چین ءِ فوجی قیادتءَ کشمیرءِ بابتءَ پاکستانءِ حیالء ُ لیکہء ُ گامگیج ساڑاتگء ُ پہ امنء ُ ایمنی ءِ ھاترءَ ہم پاکستان ءَ را ساڑاتگ ۔ ایشیءَ ابید پاک چین فوجی قیادتءَ ہم دونیمگی راج دپتری سیادی ءِ ردءَ دیمپانی کمک ءَ را گیش کنگءِ سرءَ تپاک کتگ ۔ کشمیرءِ جیڑہءِ سرءَ گپء ُتران کنانءَ جنرل قمر جاوید باجوہ ءَ گشتگ کہ جنرل قمر جاوید باجوہ ءَ گشتگ کہ پاکستان امنء ُ ایمنی ءِ لوٹوک اِنت بلے پہ راجءِ شرپء ُ ازتءِ سرءِ ایچ وڑیں منء ُ گر نہ کنت ۔
