اسلام آباد ۔ 8اکتوبر(اے پی پی) صدر ڈاکٹر عارف علوی ءَ گشتگ کہ فیشنء ُ ڈیزائن انڈسٹری ملک ءِ سماجی ء ُ اقتصادی دیمروئی ءَ بازیں ارزشتے داریت، پاکستان انسٹیٹیوٹ آف فیشن اینڈ ڈیزائن ءِ جوڑ کنگءِ مول ء ُ مراد انچیں پروفیشنل گریجویٹس جوڑ کنگ اِنت کہ پاکستانی برآمدات ءَ را گیش کنگءِ ھاترءَ ہمگرنچیں صنعت ءَ ویلیوایڈیشن کنگءِ قابل بہ بیت ۔ اے حیالانی درشانی آئیءَ سینیٹ آف پاکستان انسٹیٹیوٹ آف فیشن اینڈ ڈیزائن ( پی آئی ایف ڈی ) لاہورءِ نوہمی دیوانءِ سروکی کنانءَ کتگ ۔ سے شمبے ءِ روچءَ ایوان صدرءَ برجم داشتگیں دیوانءَ ایجنڈاءِ بازیں ٹکّ آنی منظوری دیءگ بوتگ ۔ دیوانءَ حال دیءگ بوتگ کہ پی آئی ایف ڈی ءِ گریجویٹس ءِ مارکیٹ ءَ کھیت ءِ شرح 100درسد بوتگ ۔ صدر ءَ پی آئی ایف ڈی ءَ را پنتء ُ شون کتگ کہ قانودی لوٹاں پیلو کنگءِ ھاترءَ گوں سینیٹءَ دیوان آنی برجم دارگ پکّہ کنگ بہ بیت ۔
