اسلام آباد ۔ 08 اکتوبر (اے پی پی) اسپیکر قومی اسمبلی اسد قیصر پارینے کہ پاکستان پارلیمانی دوستی گروپ نا کمک اٹ پرتگال تون پارلیمانی رابطہ غاتے مون آ دننگ نا خواہندار ءِ ۔ ہڑتوم آ ملک آک سیل و سوات ، صنعت و زرکاری نا بشخ اٹی کمکاری ءِ مون آ درسا تینا معیشت آتے سوگو کننگ اٹ اہم ءُ کڑد اس ادا کننگ کیرہ ۔ سے شنبے نادے آ پاکستان اٹی پرتگال نا سفیر اسپیکر قومی اسمبلی اسد قیصر تون پارلیمنٹ ہاءوس اٹی اوڑدہی کرے ہراٹی تین پہ تینی است خواہی نا معاملہ غاتیا گپ و تران کننگا ۔ داوخت آ پرتگال نا سفیر تون گپ و تران کرسا اسد قیصر پارے کہ پاکستان پرتگال تون تینا پارلیمانی رابطہ غاتے مون آ دننگ نا خواہندار ءِ ۔ پاکستان پارلیمانی سنگتی گروپ نا کمک اٹ پرتگال تون پارلیمانی کہول آ تعلقداری تے ودفنگ خواہک ۔ اوپارے کہ ہڑتوم آ ملک آک پارلیمانی ڈل آتا ہن وبرنا کمک اٹ اسہ ایلو نا آزموندہ غاتیان فائدہ ہرفنگ کیرہ ۔ پاکستان پارلیمانی دوست باسک ملک آتون سیل و سوات، صنعت و زرکاری نا بشخ آتے ٹی کمکاری ءِ مون آدرسا ملکی معیشت ءِ سوگو کننگ نا خواہندار ءِ ۔ اوڑدہی ٹی پرتگالی سفیر پارے کہ پرتگال پاکستان تون پارلیمانی کہول آ تعلقداری تے ودفنگ نا خواہندار ءِ ۔ پرتگال نا الس وپارلیمنٹرین پاکستان تون تینا دوستانہ تعلقداری تے قدر انانظر اٹ ہریرہ ۔ اوپارے کہ پارلیمانی کہول آ ڈل آتا ہن و بر آن ہڑتوم آ ملک آتا نیام اٹ پت سازی و آزموندہ غاتے مون آ دننگ رسینگک ۔
