اسلام آباد ۔ 08 اکتوبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ وزیراعظم عمران خان نا چین نا دورہ ہڑتوم آ ملک آتا نیام اٹ گہری و لازوال سنگتی نا بندھنءِ پین سوگو کیک، ہمالیہ غان بڑز، سمندر آتیان کڑمب و شاد آن ہنین سنگتی مہر و مریبت نا آئینہ دار ءِ ہرا نا اقوام عالم پبی توار بننگک، دادورہ معیشت و زرکاری نا بشخ آتے ٹی کمکاری ءِ مون آ دننگ تون اوار سٹریٹجک تعلقداری تے پین سوگو کیک ۔ سے شنبے نادے آ ڈاکٹر فردوس عاشق اعوان تینا ٹویٹ اٹی پارے کہ وزیراعظم عمران خان دورہ ٹی چینی صدر شی جن پنگ و وزیراعظم لی کی چیانگ تون اوڑدہی کیک و مقبوضہ جموں وکشمیر اٹی گڑتی نا حالیت آتیا چینی سرکڑدہ غاتون گپ و تران تون اوار اوار سی پیک ڈٹ آتیا عملدرآمد نا بابت حکومتی تاریخی فیصلہ غاتیا ن ہم معلومدار کیک ۔ ڈاکٹر فردوس عاشق اعوان پارے کہ مظلوم کشمیری تا مخ تفی ٹی پاکستان نا موقف نا تائید ءِ کننگ آ چین نا منت واری ءِ ہرفنہ ۔
