توانائی ءِ پڑءَ زرکاری ءِ نوکیں موہ ءِ پٹء ُ پول ، زرکاری کنگءَ ھدوناکی ءِ درشانی
بیجنگ(اے پی پی) مزن وزیر عمران خان ءَ چین ءِ گژوباگروپ ءِ چیئرمین لیوزی ژیانگ ءَ گند ء ُ نندکتگ ۔ سے شمبے ءِ روچءَ مزن وزیر عمران خان ءِ چینءِ ترء ُتاب ءِ موہءَ بیجنگ ءَ بوتگیں اے گند ء ُنند ءَ دری کارانی وزیر مخدوم شاہ محمود قریشی ، منصوبہ بندیء ُ دیمروئی ءِ بنجاہی وزیر مخدوم خسرو بختیار ، ریلوے ءِ بنجاہی وزیر شیخ رشید، مزن وزیر ءِ بیپاری ءِ صلہ کار عبدالرزاق داءود، مزن وزیرءِ حاسیں کمک کاربابر ء ُ زرکاری بورڈ ءِ چیئرمین زبیر حیدرگیلانی ہم ساڑی بوتگ ۔ چائنا گژوبا گروپ کارپوریشن ( سی جی جی سی) 1970ءَ جوڑ کنگ بوتگ کہ چینی حکومت ءِ چائنا انرجی انجینئرنگ گروپ کمپنی لمیٹیڈ ءِ یک حاسیں ادا رگ اِت ۔ سی جی جی سی ءَ وتی بیپارءَ را 100ءَ چہ گیش ملک آں سر کتگ ۔ گندء ُ نندءَ سی جی جی سی ءِ چیئرمین ءَ پاکستان ءَ بازیں پڑ حاس توانائی ءِ پڑءَ زرکاری ءِ نوکیں موہ آنی پٹء ُ پول کنگء ُ زرکاری کنگءِ تہءَ ھدوناکی ءِ درشانی کتگ ۔
