اسلام آباد ۔ 07 اکتوبر (اے پی پی) وزارت خارجہ نا ترجمان پاکستان نا بارواٹی بھارتی وزیر دفاع نا فنانشل ایکشن ٹاسک فورس انا بابت بیان ءِ مسترد کرینے، بھارتی وزیر دفاع نا ایف اے ٹی ایف نا بابت بیان راستکی تیان چپ ءِ ۔ دوشنبے نادے آ تینا بیان اٹی ترجمان دفترخارجہ پارے کہ بھارتی وزیر دفاع دعویٰ کریسس کہ پاکستان وخت انا وخت اس بلیک لسٹ مریک ۔ بھارت ایف اے ٹی ایف ءِ پاکستان نا برخلاف سیاسی مسخت آتے کن کاریم اٹ اتنگ ءِ ۔ بھارت ایف اے ٹی ایف نا پاکستان نا بابت پروسیڈنگز آ اثرانداز مننگ ءِ ۔ اوپارے کہ بھارت ایشیاء پیسیفک پڑک اٹی تینا کمکار چیئرمین شپ ءِ غلط کاریم اٹ اتنگ ءِ ۔ پاکستان دا چرجوئی ٹی تیناگڑتی تے باسک ملک آتا مون آ تخانے ۔ اومیت ءِ کہ باسک آک بھارت نا دا گمراہ کن چم آتے ٹی بفسہ ۔ اوپارے کہ اومیت ءِ باسک آک بھارت نا معاملہ ءِ سیاسی رنگ تننگ نا کوشست آتے مستردکیرہ ۔
