مولانا فضل الرحمان تینا جندی فائدہ کن مذہب ءِ کاریم اٹ اتنگ ءِ، سینیٹ اٹی قائد ایوان سینیٹر شبلی فراز نا صحافی تتون گپ و تران

اسلام آباد ۔ 07 اکتوبر (اے پی پی) سینیٹ اٹی قائد ایوان سینیٹر شبلی فراز پارینے کہ مولانا فضل الرحمان تینا جندی فائدہ غاتے کن مذہب ءِ کاریم اٹ اتنگ ءِ، او مدرسہ اصلاحات کرفنگ خواپک ۔ دوشنبے نادے داڑے صحافی تتون گپ و تران کرسا سینیٹر شبلی فراز پارے کہ مولانا فضل الرحمان ناموس رسالت ﷺ آ چندہ یکجا کرے ۔ اوپارے کہ ناموس رسالت ﷺ آ وزیراعظم پبی موقف اختیار کرے ۔ اوپارے کہ اپوزیشن جماعت آک حکومت آ تنقید کننگ نا جاگہ غا کشمیری تتون یکجہتی کن بایدے مون آ بریر و اوفتا حق اکن توار چست کیر و داچرجوئی ٹی حکومت ءِ سہی سلاہ بایدے ایتر ۔ اوپارے کہ نن نظام اٹی غلطی تا بایدے ازالہ ءِ کین، الیکشن کمیشن و نادرا تکنیکی خامی تے بایدے مر کیر ۔