اسلام آباد ۔ 07اکتوبر (اے پی پی) ڈپٹی اسپیکر قومی اسمبلی قاسم خان سوری سپریم کورٹ آف پاکستان نا کنڈآن بلوچستان الیکشن ٹربیونل نا قومی اسمبلی نا حلقہ 265نا فیصلہ نا برخلاف حکم امتناعی جاری کننگ آ منت واری ءِ ہرفسا پارینے کہ سپریم کورٹ بڑزکو انگا عدالت ءِ ہراڑان اوفتے انصاف ملک و آخبت اٹ سپریم کورٹ انت کہ فیصلہ اس کیک او راستکی تے مون آ تخسا کیک ۔ قومی اسمبلی سیکرٹریٹ نا رداٹ ڈپٹی اسپیکر قاسم خان سوری داخیال آتا درشانیءِ کرسا سپریم کورٹ آن پیشن میڈیا نا نمائندہ غاتون گپ و تران کرسا کرے ۔ ڈپٹی اسپیکر داوخت آ وزیراعظم عمران خان نا منت واری ءِ ہرفسا پارے کہ وزیراعظم مدام اوڑا پت کرینے و ہروخت آ اونا راہشونی و است بڈی ءِ کرینے ۔ ڈپٹی اسپیکر تہہ و ملک آن پیشن آن اونا حق اٹی دعا کروک خاص کر تینا حلقہ نا الس نا منت واری ءِ ہرفسا پارے کہ اوفتا دعا تا سوب آن اینو اللہ تعالیٰ اودے دا امتحان اٹی سرسہب کرے ۔ او اسپیکر قومی اسمبلی اسد قیصر ، چیئرمین سینیٹ صادق سنجرانی و تحریک انصاف نا ایلو راہشون تا منت واری ءِ ہرفے ہرا اوڑتون پدریسہ رابطہ ٹی ئسر و نیک است خواہی تا درشانی ءِ کریر ۔ اوسپریم کورٹ نا کنڈآن الیکشن ٹربیونل نا فیصلہ نا معطلی ءِ حق و سچ انا فتح گوندسا دا عزم انا درشانی ءِ کرے کہ اودے الس نا خذمت نا ہراموقع فراوان کننگانے او پبی خواری و لگن اٹ السی راجی آسراتی کن تینا جہدءِ برجاتخک ۔
