اسلام آباد ۔ 07اکتوبر (اے پی پی) وزیر مملکت پارلیمانی امور علی محمد خان پارینے کہ سپریم کورٹ الیکشن ٹربیونل نا فیصلہ ءِ معطل کرینے، قاسم سوری اپیل نا فیصلہ اسکان قومی اسمبلی نا باسک و ڈپٹی اسپیکر مریک ۔ دوشنبے نادے آ سپریم کورٹ انا پیشن میڈیا تون گپ وتران کرسا اوپارے کہ حلقہ نا الس ءِ ایوان اٹ نمائندگی کننگ آن محروم کننگ مفک ۔ سپریم کورٹ قاسم سوری نا برخلاف الیکشن ٹربیونل نا فیصلہ ءِ معطل کرینے ۔ اوپارے کہ اپیل آ فیصلہ نا بننگ اسکان قاسم سوری اسمبلی نا باسک و ڈپٹی اسپیکر برقرار سلک ۔ داوخت آ قاسم سوری پارے کہ سپریم کورٹ کنا رکنیت ءِ بحال کرینے ۔
