ملتان ۔ 07اکتوبر (اے پی پی) وزیر خارجہ شاہ محمود قریشی پارینے کہ پاکستان ڈیہہ ٹی امن نا داعی ءِ ۔ بھارتی حکومت کشمیر آن دمدستی وڑاٹ کرفیو ءِ ہرفے ۔ ملتان اٹی بہاءوالدین زکریا نا عرس انا مسٹ میکو دے دودآن تران کرسا اوپارے کہ بھارت مقبوضہ کشمیر اٹی 62دے آن کرفیو خلکونے ۔ بھارتی حکومت ءِ بایدے مرے کہ او مقبوضہ کشمیر آن دمدستی وڑاٹ کرفیو ءِ ہرفے و بے گناہ شاری تیا پیلٹ گن آن سم کاریءِ ممنوع گوندنگے ۔ اوپارے کہ دامان اٹی اسکول آک پورو وڑاٹ بند ءُ ۔ دروغ تڑسا کشمیر اٹی کل ءِ جوان نشان تننگ انگ ءِ ، دُن مف کہ کشمیری تا صبر انا پیمانہ لبریز مرے ۔ وزیر خارجہ پارے کہ مقبوضہ دامان اٹی خور و دوائی تا کمتی ءِ ۔ شاہ محمود قریشی پارے کہ پاکستان اسہ مندراسے ہم پابندی خلتنے، کشمیر اٹی عئید انا نماز و قربانی کننگ کن ہلنگتو و جمعہ نا نماز اٹی ہم اڑاند شاغنگ انگ ءِ، اوپارے کہ پاکستان اوغانستان تون گچین تعلقداری خواہک ۔ پاکستان طورخم بارڈر ءِ واپار کن 24گھنٹہ یلہ کننگ نا فیصلہ کرینے ۔
