اسلام آباد ۔ 04اکتوبر (اے پی پی)وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ کیہی سیاسی چیلنج آتیان پد ہم حکومت سمجھک کہ سیاسی محاذ آ ہچ ءُ دُن ءُ چیلنج اس اف ہرا اوڑکن فریشانی نا سوب مرے ۔ نجی ٹیلی ویژن تون گپ وتران اٹی اوپارے کہ اپوزیشن جماعت آک تتر بتر ءُ و اسہ ایلو تون سیاست و منافقت کننگ ءُ ۔ فردوس عاشق اعوان پارے کہ حکومت ءِ ہچ ءُ دُن ءُ سیاسی چیلنج اس مون تروک اف ہرا حکومت کن فریشانی نا سوب مرے ۔ وزیر اعظم عمران خان اینو ہم پنی انگا راہشون ءِ و الس نا فائدہ کن قومی بیانیہ ءِ مون آ اتنگ کن سیاسی محاذ آ ڈٹ کر سلوک ءِ ۔ ڈاکٹر فردوس عاشق اعوان پارے کہ وزیراعظم نا وژن نا رداٹ معیشت ءِ سہی سمت آ اتنگانے ہرانا سوب معیشت نا سوگو مننگ نا آثار نظر بننگ ءِ، درآمد آتے ٹی کمتی و برآمد آتے ٹی ودکی مننگ ءِ ۔ اوپارے کہ حکومت کبینی نا مون ءِ توننگ کن کوشست کننگ ءِ واونا مثبت اثر الس ءِ منتقل کننگ انگ ءِ ۔
