اسلام آباد ۔ 04اکتوبر (اے پی پی) اسپیکر قومی اسمبلی اسد قیصر پارینے کہ مولانا فضل الرحمان نا دھرنا جندی ریس کننگ آن بیدس ہچ اس اف،کشمیر نا حالیت آتا رداٹ ملک ءِ پیشن نا خطرہ مون تروک ءِ، داحالیت آتے ٹی دھرنا کون آ گام گیج ءِ الس امنا کپک ۔ جمعہ نادے پارلیمنٹ ہاءوس اٹی لس بندغ نا پارلیمنٹ ہاءوس اسکان رسینگ ءِ المی کننگ کن بیابخیری نا بنائی دود انا وخت آ اسپیکر قومی اسمبلی پارے کہ پارلیمنٹ ملک انا الس نا گچین مروک آ ادارہ ءِ، داتسکان الس نا رسینگ ءِ المی کننگ کن نن لس بندغ گیلری اس جوڑ کرینن، ملک انا ہر شاری تینا نادرا شناختی کارڈ اتون بیابخیری آ برسا پاس انا دوئی کننگ کن درخواست تننگ کیک، نادرا نا عملہ اونا شناختی کارڈ ءِ پک کننگ آن پد ہردے نا بنداو آ پاس جاری کیک ۔ اوپارے کہ ریڈزون نا تہہ ٹی لس بندغ نا پترینگ انگ کن ہم پارلیمنٹ نا عملہ تعینات کننگک و ہروڑنا آسراتی فراوان کننگک ۔ اسہ سوج اسے نا ورندی ٹی اوپارے کہ کشمیر نا بابت ملک ءِ پیشن نا خطرہ مون تروک ءِ ، داحالیت آتے ٹی مولانا فضل الرحمان نا دھرنا جندی ریس کننگ آن بیدس ہچ اس اف ۔
