اسلام آباد ۔ 04اکتوبر (اے پی پی) امیر البحر ایڈمرل ظفرمحمود عباسی سرکاری دورہ غا ملائیشیا غا سرمس، بڑزکو فوجی کمامدارآتون اوڑدہی کرے ہراٹی تین پہ تینی است خواہی نا معاملہ و ہڑتوم آ کنڈآتا بحری کمکاری آ گپ و تران کننگا ۔ ترجمان پاک بحریہ نا رداٹ منسٹری آف ڈیفنس ملائیشیا غا بننگ آ ملائیشیا نا نیول چیف پاک بحریہ نا سروک ءِ جم و جوش اٹ بخیر کریر ہراڑے اعزازی گارڈ اودے سلامی پیش کرے ۔ امیر البحر ملائیشین نیول چیف و وزیر دفاع تون جتا جتا اوڑدہی ہم کرے ۔ اوڑدہی تیٹی پاکستان نیوی و ملائیشین نیوی نا نیام اٹ بحری مشق آتا اڈتننگ و تربیتی پروگرام تا تبادلہ غا زور شاغنگا ۔ سروک پاک بحریہ ریجنل سیکورٹی نا رداٹ پاک بحریہ نا کوشست خاص کر ریجنل میری ٹائم سیکورٹی پٹرول نا گام گیج آتے مون آ تخا ۔ نیول چیف ملائیشین نیوی نا امن مشق آتے ٹی بشخ ہلنگ آ ملائیشین نیول چیف و وزیر دفاع نا منت واری ءِ ہرفے ۔ ملائیشیا نا نیول چیف و وزیر دفاع اسیجا میری ٹائم سیکورٹی نا ٹہیفنگ نا چرجوئی ٹی پاک بحریہ نا کوشست آتا ستاءِ کرے ۔ نیول چیف نا دورہ غان ہڑتوم آ ملک آتا بحری فوج آتا نیام اٹ تعلقداری تے پین مون آ دننگ دوئی مریک ۔
